[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

ஸ்மார்ட்போன் யுகம்... காலை எழுந்தவுடன் ஸ்மார்ட்போனை நாடும் 61 சதவீத மக்கள்

shocking-61-people-reach-out-for-their-phones-within-5-mins-of-waking-up

ஸ்மார்ட்போன் பயனாளர்களில் பெரும்பாலானவர்கள் காலை எழுந்தவுடன் மற்றும் இரவு உறங்கச் செல்ல முன்னும் செய்யும் வேலைகளில் செல்போன் பயன்பாடு முக்கியமானதாக இருப்பதாக ஆய்வு ஒன்றின் மூலம் தெரியவந்துள்ளது.

இதுதொடர்பாக டெலாய்ட் குளோபல் மொபைல் கன்சூமர் சர்வே 2016 என்ற தலைப்பில் நடத்திய ஆய்வில், காலை எழுந்தவுடன் முதல் ஐந்து நிமிடங்களில் ஸ்மார்ட் போனை தேடி எடுத்து விடுவதாக 61 சதவீத மக்கள் கருத்து தெரிவித்துள்ளனர். மேலும், முதல் அரை மணி நேரத்தில் ஸ்மார்ட்போனை எடுத்துவிடுவதாக 88 சதவீதம் பேர் கூறியுள்ளனர். இதேபோல 96 சதவீதத்துக்கும் அதிகமானோர் முதல் ஒரு மணி நேரத்துக்குள் மொபைலை எடுத்துவிடுவதாகவும் தெரிவிக்கின்றனர்.

இரவு தூங்கச் செல்வதற்கு 15 நிமிடங்கள் முன்பாக ஸ்மார்ட்போனைப் பயன்படுத்துவதாக ஆய்வில் பங்கேற்ற 74 சதவீதம் பேர் கருத்து தெரிவித்துள்ளனர். இந்த ஆய்வின் முக்கிய சாராம்சமாக ஆய்வாளர்கள் கருதுவது, உலகம் முழுவதும் ஸ்மார்ட்போன் பயன்பாடு குறிப்பிடத்தக்க அளவில் அதிகரித்திருப்பதகாவும், இதனால் மனிதர்களின் அன்றாட நடவடிக்கைகள் பாதிக்கப்பட்டிருப்பதாகவும் கூறப்பட்டிருக்கிறது. உலகம் முழுவதும் 53,000 பேரிடம் நடத்தப்பட்ட இந்த ஆய்வில் இந்தியாவின் பல்வேறு பகுதிகளைச் சேர்ந்த 2,000 பேர் பங்கேற்றனர்.

இந்தியாவில் இருந்து இந்த ஆய்வில் பங்கேற்றவர்களில் 54 சதவீதம் பேர் ஸ்மார்ட் போன் மூலம் வங்கி இருப்புத் தொகையை அறிவதாகவும், சேவைகளுக்கான கட்டணத்தைச் செலுத்த 54 சதவீதம் பேர் பயன்படுத்துவதாகவும் தெரிவித்துள்ளனர். காலை எழுந்தவுடன் சமூக வலைதள செயல்பாடுகள் மற்றும் வாட்ஸப் போன்ற உடனடி மெசேஜ் செயலிகள் குறித்த தகவல்களை மக்கள் முதலில் அறிந்துகொள்ள ஆர்வம் காட்டுவதாகத் தெரிவித்துள்ளனர். இதற்கு அடுத்தபடியாக இ-மெயில் மற்றும் குறுஞ்செய்திகள் குறித்து அறிந்துகொள்ள ஆர்வம் காட்டுவதாகத் தெரிவிக்கப்பட்டுள்ளது.

Advertisement:
Advertisement:
Advertisement:
[X] Close