[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

சந்திரயான்-2 விண்கலத்தின் அடுத்தக்கட்ட செயல்பாடுகள் இப்படித்தான் இருக்கும்..!

how-chandrayaan-2-will-works

விண்ணில் ஏவப்பட்டுள்ள சந்திரயான்-2 விண்கலத்தின் அடுத்தக்கட்ட செயல்பாடுகள் என்ன என்பதை தெரிந்து கொள்வோம்.

ஜி.எஸ்.எல்.வி. மார்க்-3 ராக்கெட் மூலம், சந்திரயான் -2 விண்கலம் இன்று பிற்பகல் 2.43 மணியளவில் விண்ணில் ஏவப்பட்டுள்ளது. சுமார் 44 மீட்டர் உயரமும், 4 மீட்டர் சுற்றளவுடன் 3 நிலைகளைக் கொண்டது மார்க்-3 ராக்கெட். விண்ணில் ஏவப்படும்போது, ராக்கெட் வேகத்தை அதிகரிக்கும் வகையில் பொருத்தப்பட்டுள்ள இரு STRAP-ON மோட்டார்கள், அதன் பணியை முடித்த பிறகு முதலில் பிரியும்.

அதைத்தொடர்ந்து ராக்கெட்டின், இரண்டாவது நிலையான L100 பணி தொடங்கும். இது ராக்கெட்டின் வேகத்தை மேலும் அதிகரிக்கும். பின்னர் C25 எனப்படும் மூன்றாவது நிலை அதன் பணியைத் தொடங்கும். அதன்பின்னர் 3-வது நிலை ‌ராக்கெட்டிலிருந்து சந்திரயான்-2 விண்கலம்‌பிரிந்து, இயங்கத் தொ‌டங்கும். நிலவை நோக்கி தனது பயணத்தை தொடங்குவதற்காக, சந்திரயான்-2 விண்கலம், பூமியை நீள்வட்டப் பாதையில் சுற்றத் தொடங்கும்.

ஒரு கல்லை வெகுதூரம் எறிவதற்கு, அதன் முனையில் ஒரு கயிற்றைக் கட்டி, பல முறை வேகமாக சுற்றி, திடீரென்று விடும்போது அது வெகுதூரம் செல்லும். கிட்டத்தட்ட அதே தொழில்நுட்ப‌த்தின் கீழ்தான் சந்திரயான்-2 ஆர்பிட்டருடன் இணைந்து பூமியை வேகமாகச் சுற்றிவரும். அதாவது பூமியின் நீள்வட்டப் பாதையிலிருந்து விலகி நிலவை நோக்கி தனது பயணத்தை தொட‌ங்கும்.

சந்திரனை நோக்கி நெருங்கிய பிறகு, அங்கு உடனடியாக சந்திரயான்-2 இறங்காது. பூமியைச் சுற்றி வந்ததுபோன்று‌ நிலவையும் சந்திரயான்-2 சுற்றி வரும்.பின்னர் ஆர்‌பிட்டரிலிருந்து சந்திரயான்-2 மட்டும் பிரிந்து, நிலவைச்‌ சுற்றத் தொடங்கும். தொடர்ந்து, சரியான இடத்தை தேர்வு செய்து, சந்திரயான்-2 நிலவில் இறங்கும். நிலவில் இறங்கும் சந்திரயான்-2க்கு விக்ரம் என பெயரிடப்பட்டுள்ளது. இறங்கியவுடன் அது பூமிக்கு தனது சமிக்ஞைகளை அனுப்பத் தொடங்கும். நிலவில் இறங்கிய பிறகு, விக்ரம் கலத்தில் பொருத்தப்பட்டுள்ள ரோவர் எனப்படும் 6 சக்கர வண்டியான பிரக்யான், நிலவின் மேற்பரப்பில் ஊர்ந்து சென்று, அதன் தன்மையை ஆய்வு செய்து தகவல்களை பூமிக்கு அனுப்பும்

Advertisement:
இது தொடர்பான செய்திகள் :
Advertisement:
Advertisement:
[X] Close