[X] Close
JUST IN
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது
  • BREAKING-NEWS இந்தியாவுக்கு எதிரான டி20 போட்டி: தென்னாப்பிரிக்க அணி 9 விக்கெட் வித்தியாசத்தில் வெற்றி
  • BREAKING-NEWS தமிழகம் முழுவதும் கருணாநிதி சிலை திறக்கப்படும்: ஈரோட்டில் கருணாநிதி சிலையை திறந்து வைத்து மு.க.ஸ்டாலின் பேச்சு
  • BREAKING-NEWS இடைத்தேர்தலில் போட்டியிடும் நாம் தமிழர் கட்சி வேட்பாளர்கள் 25-ம் தேதி அறிவிக்கப்படுவார்கள்: சீமான்

சாலையில் ட்ராஃபிக் என்றால் வானில் பறக்கலாம் - ட்ரோன் விமானத்தின் அசத்தல் வசதிகள்!

it-s-not-a-bird-it-s-the-hexa-personal-plane

அமெரிக்காவில் ஒரு நபர் மட்டுமே பயணிக்கும் வகையில் சிறிய ரக விமானம் வடிவமைக்கப்பட்டுள்ளது.

சாலைகளில் போக்குவரத்து நெரிசலில் சிக்கும்போதெல்லாம் பறந்து செல்லும் வசதி இருந்தால் நன்றாக இருக்குமே எனத் தோன்றும். அந்த எண்ணத்தை ஈடேற்றும் வகையில் அமெரிக்காவின் டெக்சாஸைச் சேர்ந்த லிஃப்ட் (LIFT) என்ற நிறுவனம் ஒரு நபர் மட்டுமே பயணிக்கும் வகையில் ட்ரோன் வடிவிலான சிறிய ரக விமானத்தை வடிவமைத்துள்ளது. ஹெக்ஸா என பெயரிடப்பட்டுள்ள இந்த ட்ரோன் வடிவிலான விமானத்தின் எடை 196 கிலோ. மணிக்கு 63 மைல்கள் வேகத்தில் இது பறக்கும் என்கின்றனர் இதன் தயாரிப்பாளர்கள். 

டெக்சாஸில் அரசின் அனுமதியோடு இதன் சோதனை ஓட்டம் நடைபெற்றது. ஏற்கெனவே போயிங் மற்றும் ஏர்பஸ் நிறுவனங்கள் இத்தகைய சிறிய ரக விமானங்களை உற்பத்தி செய்வதில் தீவிரம் காட்டி வருகின்றன. எடை குறைவான ட்ரோன் வடிவம் கொண்ட விமானத்தை லிஃப்ட் நிறுவனம் உருவாக்கியுள்ளது. 

அமெரிக்க உள்நாட்டு விமான போக்குவரத்து ஒழுங்குமுறை அமைப்பு இந்த சிறிய ரக விமானத்தை இயக்க அனுமதி அளித்துள்ளது. இதன் மற்றொரு சிறப்பம்சம், இதை இயக்குபவருக்கு பைலட் உரிமம் தேவையில்லை என்பதுதான். நீரிலும் செல்லும் வகையில் இதை வடிவமைத்துள்ளதாக லிஃப்ட்நிறுவனம் கூறுகிறது.

இந்த ஆண்டு இறுதியில் பொதுமக்கள் பயன்பாட்டுக்கு கொண்டு வரப்படும் என தெரிவித்துள்ள அந்த நிறுவனம் ஹெக்ஸாவில் பயணிப்போருக்கு முதல்கட்டமாக அதை இயக்குவதற்கான பயிற்சி அளிக்கப்படுமென தெரிவித்துள்ளது. 

ட்ரோன்களைபோல நிலத்தில் இருந்தபடியே இதை இயக்கவும் செய்யலாம். மின்சாரத்தில் இயக்குவது இதன் மற்றொரு சிறப்பம்சம். வரும் காலங்களில் இவை போக்குவரத்து துறையில் பெரிய மாற்றத்தை உண்டாக்கும் என ஹெக்ஸாவின் வடிவமைப்பாளர்கள் தெரிவிக்கின்றனர்

Advertisement:
Advertisement:
Advertisement:
[X] Close