[X] Close
JUST IN
  • BREAKING-NEWS மக்களவை தேர்தலில் சிதம்பரம் தொகுதியில் போட்டியிடும் விசிகவின் திருமாவளவனுக்கு பானை சின்னம் ஒதுக்கியது தேர்தல் ஆணையம்
  • BREAKING-NEWS மக்கள் கணிப்பைத்தான் பார்க்க வேண்டும்; கருத்துக்கணிப்பை முழுமையாக ஏற்க முடியாது - தம்பிதுரை
  • BREAKING-NEWS லண்டன் நீதிமன்றத்தில் வைர வியாபாரி நிரவ் மோடி தாக்கல் செய்த ஜாமீன் மனு தள்ளுபடி; இந்திய மதிப்பில் ரூ.4.50 கோடி பிணைத்தொகை செலுத்த தயாராக இருப்பதாக நிரவ் மோடி தரப்பு வாதம்
  • BREAKING-NEWS 2019 மக்களவை தேர்தலில் நான் போட்டியிடுவேனா என்பது குறித்து 24 ஆம் தேதி அறிவிக்கப்படும் - கமல்ஹாசன்
  • BREAKING-NEWS 2019 மக்களவை தேர்தலில் தான் போட்டியில்லை என மாயாவதி அறிவிப்பு
  • BREAKING-NEWS அரசியலுக்கு வாரிசுகள் வரக்கூடாது என்பது எந்த சட்டத்திலும் இல்லை- மதுரையில் ஒபிஎஸ் பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்

“விரைவில் க்ளியர் ஹிஸ்டரி ஆப்ஷன்” - பேஸ்புக் அறிவிப்பு

facebook-s-clear-history-feature-scheduled-to-release-later-this-year

'க்ளியர் ஹிஸ்டரி' (Clear History) ஆப்ஷன் விரைவில் நடைமுறைக்கு கொண்டு வரப்படும் என்று பேஸ்புக் தெரிவித்துள்ளது.

உலகம் முழுவதும் சுமார் 200 கோடிக்கும் அதிகமானவர்கள் பயன்படுத்தும் சமூக வலைத்தளம் பேஸ்புக். வெறும் பொழுதுபோக்கு என்பதையும் தாண்டி வியாபார சந்தையாக பேஸ்புக் உள்ளது. சிறிய கடைகள் பெரிய நிறுவனங்கள் முதல் பேஸ்புக் வாயிலாக தங்கள் நிறுவன பொருட்களுக்கு விளம்பரம் கொடுக்கின்றனர். நவீன வாழ்க்கையின் ஒரு அங்கமாகவே மாறிவிட்ட பேஸ்புக், பலரது தகவல்களை திருடி வருவதாக ஒரு குற்றச்சாட்டு உள்ளது. கடந்த வருடம்  5,60,000 இந்தியர்களின் தகவல்களை அனாலிட்டிக்கா நிறுவனம் திருடியதாக ஒப்புக்கொண்ட பேஸ்புக் நிறுவனம், அதற்காக மன்னிப்பும் கோரியது.

இந்நிலையில் இணையத்தில் நாம் ஏதோ ஒரு பொருளைக்குறித்து தேடினாலோ, அல்லது பேஸ்புக் பக்கத்தில் இருக்கும் விளம்பரத்தை க்ளிக் செய்தாலோ அது நம்மை துரத்திக்கொண்டே இருக்கும். நாம் இணையத்தின் எந்தப் பக்கத்துக்குச் சென்றாலும் நாம் தேடிய பொருளின் விளம்பரங்கள் வந்து கொண்டே இருக்கும். இதற்கு காரணம் நாம் பேஸ்புக்கில் செய்யும் ஒவ்வொரு தேடலும் ஒரு ஹிஸ்டரி போல பதிவாகும். 

அந்த ஹிஸ்டரை பதிவுகளை வைத்து மூன்றாம் தரப்பு விளம்பர நிறுவனங்கள் நம்மை குறி வைக்கின்றன. இது ஒரு விளம்பர உத்தி என்றாலும், நாம் தேடுவதையும், நம்முடைய ஒவ்வொரு க்ளிக்கையும் கூட பேஸ்புக் கண்காணிப்பது ஏற்கத்தக்கதல்ல என்று பலரும் கருத்து தெரிவித்து வந்தனர். இந்நிலையில் இந்தக் குற்றச்சாட்டுக்கு முற்றுப்புள்ளி வைக்கும் விதமாக 
'க்ளியர் ஹிஸ்டரி' (Clear History) ஆப்ஷனை கொண்டு வர பேஸ்புக் முடிவு செய்துள்ளது.

இந்த க்ளியர் ஹிஸ்டரி ஆப்ஷன் மூலம் மூன்றாம் தரப்பு விளம்பர நிறுவனங்களும், இணையபக்கங்களும் உங்களின் தகவல்களை சேர்த்து வைக்க முடியாது என்றும், ஒருமுறை உங்களது ஹிஸ்டரி டெலிட் செய்யப்பட்டால் சேமிக்கப்பட்ட தகவல்கள் அழிந்துவிடும். இந்த க்ளியர் ஹிஸ்டரி ஆப்ஷன் விரைவில் நடைமுறைக்கு வரும் என்று பேஸ்புக் நிறுவனத்தின் தலைமை வர்த்தக அதிகாரி பாசிலோனாவில் நடைபெற்ற தொலைத்தொடர்பு ஊடகங்களுக்கான ஆலோசனைக் கூட்டத்தில்    தெரிவித்துள்ளார்.


 

Advertisement:
Advertisement:
Advertisement:
[X] Close