[X] Close
JUST IN
  • BREAKING-NEWS மக்களவை தேர்தல், 18 தொகுதி சட்டமன்ற இடைத்தேர்தலுக்கு மக்கள் நீதி மய்யத்துடன் கூட்டணி அமைத்துள்ளோம் மக்களவை தேர்தலில் 1 தொகுதி, இடைத்தேர்தலில் 3 தொகுதிகளில் இந்திய குடியரசுக் கட்சி போட்டி - சே.கு. தமிழரசன் (இந்திய குடியரசுக் கட்சி)
  • BREAKING-NEWS பாதுகாப்பு படைகளை வைத்து அரசியல் செய்ய வேண்டாம் - கட்சித்தலைவர்கள், வேட்பாளர்களுக்கு அறிவுறுத்தும்படி அரசியல் கட்சிகளுக்கு மீண்டும் தேர்தல் ஆணையம் கடிதம்
  • BREAKING-NEWS மக்களவை தேர்தல், சட்டமன்ற இடைத்தேர்தலில் மக்கள் நீதி மய்யம் கட்சியின் சார்பில் போட்டியிடும் வேட்பாளர்கள் பட்டியலை நாளை மதியம் 2 மணிக்கு வெளியிடுகிறார் கமல்ஹாசன்
  • BREAKING-NEWS பொள்ளாச்சி பாலியல் கொடூர வழக்கில் கைதான திருநாவுக்கரசு, சபரிராஜன், சதீஷ், வசந்தகுமார் ஆகியோரின் காவலை ஏப்ரல் 2 வரை நீட்டித்தது பொள்ளாச்சி நீதிமன்றம்
  • BREAKING-NEWS நீதிபதி கண்முன்னே மனைவியை கத்தியால் குத்திய கணவன்! மருத்துவமனையில் மனைவிக்கு சிகிச்சை!
  • BREAKING-NEWS மக்களவைத் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கப்பட்டுள்ளது
  • BREAKING-NEWS மக்களவை தேர்தலுக்கான திமுக தேர்தல் அறிக்கையை வெளியிட்டார் கட்சி தலைவர் மு.க.ஸ்டாலின்

டிக்டாக்குக்கு போட்டியாக பேஸ்புக் அறிமுகம் செய்த புதிய ஆப்!

facebook-quietly-launches-a-tiktok-competitor-app-called-lasso

டிக்டாக் செயலிக்கு போட்டியா‌க பேஸ்புக் நிறுவனம் 'லஸ்சோ' என்ற புதிய செயலியை அறிமுகம் செய்துள்ளது.‌

சமூக வலைதளங்களில் ராஜாவாக திகழ்ந்து வருவது பேஸ்புக். பேஸ்புக்கிற்கு போட்டியாக எத்தனையோ செயலிகள் களம் இறங்கி காணாமல் போய்விட்டன. மறுபக்கத்தில் வாட்ஸ் அப் வேகமாக வளர அந்த செயலியையும் தன்வசமாக்கியது பேஸ்புக் நிறுவனம். மேற்கொண்டு இருக்கும் இன்ஸ்டாகிராமும் பேஸ்புக் குடும்பம் தான். சமூகவலைதளங்களில் பேஸ்புக் குடும்பத்தை கடக்காமல் நம்மால் நாட்களை கடத்த முடியாது. 

இந்நிலையில் சமூகவலைதள வாசிகளின் தற்போதைய கவனம் ’டிக் டாக்’. இந்த செயலிகளுக்கு நாளுக்கு நாள் வரவேற்பு அதிகரித்து வரும் நிலையில் போட்டி செயலியும் எதுவும் இல்லை. இளைஞர்கள் மட்டுமின்றி பெரியவர்களும் டிக்டாக் செயலியில் வீடியோக்களை லிப் சிங்க் செய்து பாடலுக்கு ஏற்ப நடித்து, நடனமாடி அதனை சமூக வலைதளங்களில் பகிர்ந்து வருகின்றனர். தற்போது டிக் டாக் செயலி மீது பேஸ்புக் தனது கவனத்தை திருப்பியுள்ளது. அதற்கு போட்டியாக பேஸ்புக் நிறுவனம் ’லஸ்சோ’ செயலியை சத்தமில்லாமல் அறிமுகம் செய்துள்ளது.

'லஸ்சொ' என்பதற்கு சுருக்குடன் கூடிய கயிறு என்பது பொருளாகும். டிக்டாக் செயலியில் மூழ்கி இருக்கும் இளைஞர்களை தன் வசம் இழுக்கும் பொருட்டு 'லஸ்சோ' என்ற செயலியை வடிவமைத்ததாக பேஸ்புக் நிறுவனம் தெரிவித்துள்ளது. லஸ்சோவை பேஸ்புக், அல்லது இன்ஸ்டா செயலியில் இருந்தே லாக்கின் செய்யலாம் என்றும் அதில் வரும் வீடியோக்களுக்கு நம் அசைவுகளை பொருத்திக்கொள்ளலாம் என்றும் தெரிவிக்கப்பட்டுள்ளது. 

நாம் எடுக்கும் வீடியோக்களை நேரடியாக பேஸ்புக் ஸ்டோரியாகவும் பயன்படுத்திக்கொள்ளலாம் என்று தெரிவிக்கிறது பேஸ்புக். இன்ஸ்டாவில் நேரடி ஸ்டோரியாக பயன்படுத்த விரைவில் மாற்றம் செய்யப்படும் என்றும் கூறப்பட்டுள்ளது. பேஸ்புக் நிறுவனத்திடம் இருந்து அதிகாரப்பூர்வமாக அறிமுகப்படுத்தப்படவில்லை என்றாலும் பேஸ்புக்கின் தயாரிப்பு மேலாளர் இந்த செயலியை அறிமுகம் செய்து, அதுகுறித்து ட்வீட் செய்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close