[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

பத்து லட்சம் கார்களை திரும்பப்பெறுகிறது பி.எம்.டபிள்யூ 

bmw-recalls-over-1-million-cars-over-exhaust-system-fire-risk

தீப்பிடிக்க வாய்ப்புள்ளதாக கூறி பத்து லட்சத்துக்கும் அதிகமான டீசல் கார்களை திரும்பப்பெற போவதாக பி.எம்.டபிள்யூ நிறுவனம் தெரிவித்துள்ளது.

சொகுசு கார்கள் என்றால் தவிர்க்கமுடியாத பெயர் பி.எம்.டபிள்யூ. கார் பிரியர்களின் பிடித்தமான இந்த நிறுவனம் ஜெர்மனியின் பவேரியா பகுதியில் உள்ள முனிச் என்ற நகரத்தை மையமாக கொண்டு இயங்குகிறது. பல வெற்றிகரமான மாடல்களை வெளியிட்டுள்ள பி.எம்.டபிள்யூ நிறுவனம் முக்கிய அறிவிப்பை வெளியிட்டுள்ளது. தீப்பிடிக்க வாய்ப்புள்ளதாக கூறி பத்து லட்சத்துக்கும் அதிகமான டீசல் கார்களை திரும்பப்பெற போவதாக அறிவித்துள்ளது. 

சில டீசல் கார்களின் புகைபோக்கிக்கான கூலிங் திரவம் வடிவமைப்புக்கு மாறாக வெளியாவதால் தீப்பிடிக்க வாய்ப்புள்ளதால் கார்களை திரும்பபெறுவதாக அறிவித்துள்ளது. கார் உரிமையாளர்களை தொடர்புகொண்டு பிரச்னை குறித்து விளக்கம்  அளிக்கப்பட்டுள்ளதாகவும், கார்களை சோதனை செய்ய ஏற்பாடுகள் செய்யப்பட்டுள்ளதாகவும் அந்நிறுவனம் தெரிவித்துள்ளது. கார்களின் பாதிப்புக்குள்ளான குறிப்பிட்ட பகுதி முழுவதும் சோதனை செய்யப்படும். பழுதான பாகங்கள் உடனடியாக நீக்கப்பட்டு வேறு பாகங்கள் பொருத்தி தரப்படும் என்றும் தெரிவிக்கப்பட்டுள்ளது.

இதே பிரச்னையால் ஆகஸ்ட் மாதத்தில் ஐரோப்பா மற்றும் சில ஆசிய நாடுகளில் 4 லட்சத்து 80 ஆயிரத்துக்கும் அதிகமான டீசல் கார்களை திரும்ப பெற்றுள்ளதாகவும் இந்த வருடத்தில் தெற்கு கொரியாவில் 30 கார்கள் தீப்பிடித்துள்ளதாகவும் கூறப்படுகிறது. உலக அளவில் 1.6 மில்லியனுக்கும் அதிகமான டீசல் கார்கள் தீப்பிடிக்க வாய்ப்புள்ளதாக கூறி திரும்ப பெறப்பட உள்ளதாகவும் பி.எம்.டபிள்யூ நிறுவனம் தெரிவித்துள்ளது.

Advertisement:
Advertisement:
Advertisement:
[X] Close