[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

2 மாதங்களில் 7 கோடி கணக்குகள் முடக்கம் - ட்விட்டர் அதிரடி

twitter-suspends-over-70-million-accounts-in-two-months-washington-post

போலி கணக்குகள், வன்முறை தூண்டல்கள் உள்ளிட்ட பிரச்னைகள் காரணமாக கடந்த இரண்டு மாதங்களில் மட்டும் 7 கோடி பயன்பாட்டாளர்களின் கணக்குகளை, ட்விட்டர் நிறுவனம் முடக்கியுள்ளது. 

உலக அளவில், மக்கள் அதிகமாகப் பயன்படுத்தும் சமூக வலைதளங்களில் ஃபேஸ்புக், வாட்ஸ்-அப் மற்றும் ட்விட்டர் முன்னிலையில் உள்ளன. கோடிக்கணக்கான மக்கள் இதனை பயன்படுத்துகின்றனர். மிகவும் சாதாரண நிலையில் இருக்கும் மக்கள் கூட ஃபேஸ்புக்கை பயன்படுத்துகிறார்கள். தங்களது தகவல்களை பரிமாறிக் கொள்கிறார்கள். அதேபோல், அரசியல்வாதிகள், தொழிலதிபர்கள், நட்சத்திரங்கள் என பலரும் ட்விட்டரை தான் அதிகம் பயன்படுத்துகிறார்கள். 

ஆனால், சமீபகாலமாக ஃபேஸ்புக், வாட்ஸ்-அப் மற்றும் ட்விட்டர் வலைதளங்களில் பரவும் வதந்திகள் காரணமாக வன்முறை சம்பவங்கள் நிகழ்வது அரங்கேறி வருகிறது. போலி கணக்குகள் மூலமாக பலரும் தவறான தகவல்களை பரப்பும் சிக்கலும் பூதாகரமாக வெடித்து வருகிறது. இந்த பிரச்னைகள் மற்ற நிறுவனங்களைப் போல் ட்விட்டருக்கு தலைவலியை கொடுத்து வருகிறது. 

                  

இதனால், ட்விட்டர் நிறுவனம் போலி மற்றும் சிக்கலுக்குரிய ட்விட்டர் கணக்குகளை களையெடுக்கும் பணியில் கடந்த ஆண்டு முதல் தீவிரமாகக் களமிறங்கியது. இந்நிலையில் தான், கடந்த மே மற்றும் ஜூன் மாதங்களில் மட்டும் 7 கோடி ட்விட்டர் கணக்குகளை அந்நிறுவனம் முடக்கியுள்ளது. அதாவது நாள் ஒன்றிற்கு சராசரியாக 10 லட்சம் கணக்குகள் முடக்கப்படுகின்றன. கடந்த அக்டோபர் மாதத்துடன் ஒப்பிடும் போது, முடக்கப்படும் ட்விட்டர் கணக்குகள் இரண்டு மடங்காகியுள்ளது. வாஷிங்டன் போஸ்ட் உள்ளிட்ட சர்வதேச ஊடகங்களில் இந்தச் செய்தி வெளியாகியுள்ளது. 

ட்விட்டரில் தற்போது 33.70 கோடி பயன்பாட்டாளர்கள் உள்ளனர். இந்த ஆண்டின் இரண்டாவது காலாண்டில் மட்டும் 3 சதவீதம் பயன்பாட்டாளர்கள் அதிகரித்துள்ளனர். 

Advertisement:
Advertisement:
Advertisement:
[X] Close