[X] Close
JUST IN
  • BREAKING-NEWS தேர்தல் ஆணையம் எந்த சின்னத்தை ஒதுக்கினாலும் அமமுக மிகப்பெரிய வெற்றி பெறும் - டிடிவி தினகரன்
  • BREAKING-NEWS உத்தரப்பிரதேச மாநிலம் சுல்தான்பூர் தொகுதியில் பாஜக சார்பில் மேனகா காந்தி போட்டியிடுகிறார்
  • BREAKING-NEWS குக்கர் சின்னம் கிடைக்காத நிலையில், உச்சநீதிமன்ற உத்தரவுபடி பொதுச்சின்னம் கேட்டு தேர்தல் ஆணையத்தில் டிடிவி தினகரன் மனு
  • BREAKING-NEWS காங்கிரஸ் ஆட்சிக்கு வந்தால் விவசாயிகளின் கடன் தள்ளுபடி செய்யப்படும்; கார்த்தி சிதம்பரத்திற்கு சீட் கொடுத்ததில் தவறில்லை - காங்கிரஸ் தேனி வேட்பாளர் ஈவிகேஎஸ் இளங்கோவன்
  • BREAKING-NEWS 2ம் கட்டமாக மக்களவை தேர்தல் நடைபெறும் தமிழகம். புதுச்சேரி உள்ளிட்ட 97 மக்களவை தொகுதிகளுக்கு வேட்பு மனுத்தாக்கல் நிறைவு
  • BREAKING-NEWS டிடிவி தரப்பு வழக்கில் உச்சநீதிமன்றம் வழங்கிய உத்தரவை மற்ற வழக்குகளுக்கு முன்மாதிரியாக கருதக்கூடாது என்ற ஆணையத்தின் கோரிக்கை நிராகரிப்பு
  • BREAKING-NEWS டிடிவி தினகரனின் அமமுகவுக்கு குக்கர் சின்னத்தை ஒதுக்க உச்சநீதிமன்றம் மறுப்பு

முடியாதவர்களுக்காக தானாகவே இயங்கும் ‘செல்ப்-ஈ’..கோவை மாணவர்களின் அசத்தல்!

three-engineering-students-in-tamil-nadu-develop-india-s-first-self-driving-wheelchair

நடக்க முடியாத முதியோர்கள், மாற்றுத் திறனாளிகள் ஆகியோர்களுக்காக கோவையை சேர்ந்த மூன்று மாணவர்கள் தானாகவே இயங்கும் நான்கு சக்கர நாற்காலியை உருவாக்கியுள்ளனர்.

வயது வந்தால் ஒரு சிலருக்கு நடக்க முடியாத நிலை ஏற்படும். இதேபோல கால்களின் செயல்பாடு குறைந்த மாற்றுத் திறனாளிகளுக்கும் சக்கர நாற்காலி தேவைப்படும். பெரும்பாலான சக்கர நாற்காலியை பின்னிருந்து ஒருவர் தள்ளிக் கொண்டுதான் செல்ல வேண்டும். இதனால் சக்கர நாற்காலியை பயன்படுத்துபவர்கள் மற்றவர்களின் உதவியை நாட வேண்டியிருக்கும். ஒரு சில சக்கர நாற்காலிகளை நாமாகவே இயக்கிச் செல்ல முடியும். அவற்றிற்கும் நம் கைகள் அல்லது கால்களின் இயக்கம் தேவை. இதனையும் கூட சில மாற்றுத் திறனாளிகளால் அவ்வளவு எளிதில் செய்ய முடிவதில்லை.

இந்நிலையில் நடக்க முடியாத முதியோர்கள் மற்றும் மாற்றுத் திறனாளிகள் ஆகியோர்கள் மிக எளிமையாக பயன்படுத்தும் வகையில் தானாகே இயங்கும் நான்கு சக்கர நாற்காலியை உருவாக்கியுள்ளனர் கோவை அம்ரிதா விஸ்வா வித்யாபீடம் பல்கலைக்கழகத்தை சேர்ந்த மூன்று பொறியியல் மாணவர்கள். ‘செல்ப்- ஈ’ என அழைக்கப்படும் இந்த சக்கர நாற்காலியில் ஒரு இடத்தில் மற்ற இடத்திற்கு செல்ல அவர்கள் எந்த வேலையையும் செய்யத் தேவையில்லை. நாற்காலியில் பொருத்தப்பட்டுள்ள ரோபோட்டிக் ஆபரேடிங் சிஸ்டம், நாற்காலி தானாகவே இயங்க உதவுகிறது. இதனால் அவர்களால் எந்தவித சிரமமுமின்றி பயணம் செய்ய முடியும். இதுமட்டுமின்றி இடையில் ஏதாவது தடைகளோ அல்லது மக்களோ இருந்தால் அதில் மோதாமல் அதற்கேற்றவாறு இந்த சக்கர நாற்காலி பயணம் செய்யும் வகையில் வடிவமைக்கப்பட்டுள்ளது.

வெளிநாட்டில் இருந்து இறக்குமதி செய்யப்படும் வீல் சேர்களைபோல் அல்லாமல் வணக ரீதியாக வெற்றிகரமாக விற்பனைக்கு வரும்பட்சத்தில் ‘செல்ப்-ஈ’ வீல்சேரின் விலை 1 லட்சத்திற்கும் குறைவாக இருக்கும் என கூறப்படுகிறது.

மாணவர்களின் இந்த வெற்றிக்கு பின்னால் முழு தூணாய் இருப்பவர் அம்ரிதா விஸ்வா வித்யாபீட பல்கலைக்கழகத்தின் இசிஇ துறையை சேர்ந்த உதவிப் பேராசிரியர் ராஜேஷ் கண்ணன் மேகலிங்கம். இதுகுறித்து அவர் கூறும்போது, “‘செல்ப்-ஈ’ வீல்சேர் தானாகவே இயங்கக் கூடிய வகையில் இந்தியாவில் உருவாக்கப்பட்ட முதல் வீல்சேர் ஆகும். தனித்துவமானது. எந்தவித வெளிநாட்டு துணையின்றி நம்நாட்டு மாணவர்கள் உருவாக்கியுள்ளனர். மருத்துவமனை, விமான நிலையம் உள்ளிட்ட பல இடங்களில் சோதனை செய்யப்பட உள்ளது” என்றார். சிந்தா ரவி தேஜா, சரத் ஸ்ரீகாந்த், அகில் ராஜ் ஆகியோரின் பல நாட்கள் முயற்சிக்கு பின் தற்போது இந்த வீல்சேர் உருவாக்கப்பட்டுள்ளது.

Advertisement:
Advertisement:
Advertisement:
[X] Close