[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

நாளை முழு சந்திர கிரகணம்: 3 வகையில் காட்சி அளிக்கும் நிலவு

super-blue-blood-moon-appearing-this-week-for-first-time-in-over-150-years

150 ஆண்டுகளுக்கு பிறகு 3 அரிய நிகழ்வுகளுடன் நாளை முழு சந்திர கிரகணம் நடக்க உள்ளது.

சந்திர கிரகணம், நாளை மாலை 6.25 மணிக்குத் தொடங்கி 7.25 மணி வரை நீடிக்கும். வழக்கமாக வரும் சந்திர கிரகணத்தின்போது தோன்றுவது போல அல்லாமல் இந்தமுறை புளூ மூன், பிளட் மூன், சூப்பர் மூன் ஆகிய மூன்று வகையில் சந்திரன் காட்சி அளிக்கும். 

சூரியனுக்கும் நிலவுக்கும் இடையில் பூமி வரும்போது பூமியின் நிழல் சந்திரன் மீது முழுமையாக விழுவதால் சந்திர கிரகணம் நிகழ்கிறது. மாதத்தின் 2ஆவது பவுர்ணமி என்பதால் சந்திரன் நீல நிறத்தில் காட்சி அளிக்கும். இது புளூ மூன் என்ற அரிய நிகழ்வாகும்‌. மேலும், சந்திரன் தோன்றும் நேரத்திலேயே முழு சந்திர கிரகணம் தோன்றுவது இதன் சிறப்பாகும். 

அதோடு இந்த சந்திர கிரகணத்தின்போது சந்திரன் மீது சூரியனின் ஒளி நேரடியாக படாமல் வளிமண்டலத்தால் சிதறடிக்கப்பட்டு சிகப்பு நிறம் மட்டும் சந்திரன் மீது விழும். இதனால் நீலநிற சந்திரன், சிகப்பு நிறமாக மாறும். இது பிளட் மூன் என்று அழைக்கப்படும் 2ஆவது அரிய நிகழ்வாகும். 150 ஆண்டுகளுக்கு பிறகு இந்த அரிய நிகழ்வு ஏற்படுகிறது. மூன்றாவது அரிய நிக‌ழ்வு, சூப்பர் மூன் என்று அழைக்கப்படுகிறது. 

நிலா பூமியை சுற்றி வரும் போது மாதத்திற்கு ஒரு முறை பூமியை மிகவும் நெருங்கி வரும். அப்போது நிலா வழக்கத்தை விட பெரிதாகி ’சூப்பர் மூன்’ ஆக காட்சி அளிக்கும். இந்த அரிய நிகழ்வும் முழு சந்திர கிரகணத்தின் போதே நடக்கிறது. அப்போது வழக்கத்தை விட 10 சதவீதம் பெரிதாக நிலா காட்சி அளிப்பதோடு, சற்று பிரகாசமாகவும் தெரியும் என வானியல் வல்லுனர்கள் கூறுகிறார்கள். 

அந்த நேரத்தில் கடலிலும், ஆறுகளிலும் அலைகள் சற்று அதிக உயரத்துக்கு எழும் என்றும், இருப்பினும் பயப்படும் அளவுக்கு ஒன்றும் இருக்காது எனவும் அவர்கள் தெரிவித்துள்ளனர். இந்தியா முழுவதும் தெரியும் இந்த சந்திர கிரகணத்தை வெறும் கண்களாலேயே பார்க்கலாம் எனவும் வானியல் வல்லுனர்கள் கூறியுள்ளனர்.
 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close