[X] Close
JUST IN
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு

மும்மொழிகளில் மொழிபெயர்க்கும் நவீன கருவி அறிமுகம்

ili-translator-3-language-translator

ஆங்கிலத்தில் விடுக்கப்படும் குரல் கட்டளைகளை பிற மொழிகளில் ஒலி வடிவில் மொழிபெயர்த்து தரும் புதிய கருவியை கொரிய நிறுவனம் அறிமுகப்படுத்தியிருக்கிறது.

மனிதர்களின் குரல் கட்டளைகளுக்கு ஏற்ப செயல்படும் ஹ்மனாய்டு ரோபோக்களின் தயாரிப்பு சர்வதேச அளவில் அதிகரித்த வண்ணம் உள்ளன. இந்த நிலையில் குரல் கட்டளைகளை ஏற்று அதனை பிற மொழிகளில் மொழி பெயர்த்து தரும் நவீன ரக மொழிபெயர்ப்பு கருவி தற்போது அறிமுகப்படுத்தப்பட்டிருக்கிறது. இதற்கு ‘இலி’ என்று பெயர் வைக்கப்பட்டுள்ளது. பென் டிரைவ் போன்ற வடிவத்தை கொண்ட ‌இந்தக் கருவி ஆங்கிலத்தில் விடுக்கப்படும் குரல் கட்டளைகளை ஏற்று, அதற்குரிய சீன,‌ ஜப்பான் மற்றும் ஸ்பானிஷ் சொற்களை ஒலி வடிவில் தருகிறது.

மொழி பெயர்ப்புக்கான மொபைல் செயலிகள் அதிகம் உள்ள போதும், இலி டரான்ஸ்லேட்டர் கருவியின் செயல்பாடு சற்று மாறுபட்டிருக்கிறது. இந்தக்கருவியை பயன்படுத்துவதற்கு இணைய வசதி என்பது தேவையில்லை என்றும், 2 நொடிகளில் மொழிப்பெயர்பை கேட்கலாம் என்றும் அதன் தயாரிப்பு நிறுவனம் தெரிவித்துள்ளது.

USB கேபிள் மூலம் இதன் பேட்டரியை ரீச்சார்ஜ் செய்து கொள்ள முடியும். ஒரு நாளில் 10 நிமிடங்கள் வரை மட்டும் பயன்படுத்தும் பட்சத்தில், இதன் பேட்டரியை மூன்று நாட்களுக்கு ஒருமுறை சார்ஜ் செய்தால் போதுமானது. இந்தக்கருவியில் குறிப்பிட்ட மூன்று மொழிகளில், ஏதேனும் ஒன்றில் மட்டுமே மொழிமாற்றம் பெற்றுக் கொள்ளும் வசதி உள்ளது. மேலும் சிறிய வார்த்தைகளை மட்டுமே இதன் மூலம் மொழி மாற்றம் செய்ய முடியும்.

முதற்கட்டமாக மூன்று மொழிகளில் அறிமுகமாகியுள்ள இலி ட்ரான்ஸ்லேட்டருக்கு வரவேற்பு அதிகமாக உள்ளதாக தெரியவருகிறது. பிற மொழிகளுக்கும் இந்தக்கருவியை பயன்படுத்தும் வகையிலான சோதனை முயற்சியில் இருப்பதாக இலி நிறுவனம் தெரிவித்துள்ளது.

தற்போது இதன் இருப்பு தீர்ந்துள்ள நிலையில் வரும் நவம்பர் மாதம் முதல் மீண்டும் விற்பனைக்கு வர இருக்கிறது. ரூ.16,205 விலை நிர்ணயிக்கப்பட்டுள்ள இந்த இலி ட்ரான்ஸ்லேட்டரை www.iamili.com என்ற இணைய முகவரியில் முன்பதிவு செய்யலாம்.

Advertisement:
Advertisement:
Advertisement:
[X] Close