[X] Close
JUST IN
  • BREAKING-NEWS இயல்பு நிலைக்கு திரும்புகிறது தூத்துக்குடி
  • BREAKING-NEWS நாட்டின் முதல் ஸ்மார்ட் நெடுஞ்சாலையை இன்று திறந்து வைக்கிறார் மோடி
  • BREAKING-NEWS வவ்வால்களால் நிஃபா வைரஸ் வரவில்லை- ஆய்வு முடிவில் விளக்கம்
  • BREAKING-NEWS முதலமைச்சர் உத்தரவின்படி ஆலைக்கான மின்சாரம், குடிநீர் இணைப்புகள் துண்டிப்பு: தூத்துக்குடி ஆட்சியர் சந்தீப் நந்தூரி
  • BREAKING-NEWS சிபிஎஸ்இ 12ஆம் வகுப்பு தேர்வு முடிவுகள் வெளியீடு
  • BREAKING-NEWS ஸ்டெர்லைட் ஆலையை நிர்வகிக்கும் வேதாந்தா குழும நிறுவனங்களை லண்டன் பங்குச்சந்தையிலிருந்து விலக்கிவைக்க வேண்டும் - பிரிட்டன் எதிர்க்கட்சி
  • BREAKING-NEWS தமிழகத்தை தனது கட்டுப்பாட்டில் கொண்டு வர பிரதமர் மோடி சதித்திட்டம் தீட்டுகிறார் - திருமாவளவன்

வேற்றுலகவாசிகள் இருக்கிறார்களா..? அனானிமஸின் அதிர்ச்சி வீடியோ 

nasa-says-it-hasn-t-found-alien-life-following-video-claims-by-hacker-group-anonymous

பேரண்டத்தில் நாம் மட்டும்தான் இருக்கிறோமா என்ற கேள்விக்கு, ஆம் என்றோ இல்லை என்றோ யாரும் உறுதியான பதிலை இதுவரை தந்ததில்லை. இந்தக் கேள்வியைப் புதுப்பிக்கும் வகையிலான ஒரு வீடியோ வெளியாகி இருக்கிறது.  

வேற்றுலகவாசிகள் பூமிக்கு வந்திருக்கிறார்கள் என்பதை நம்புவது பலருக்குக் கடினமாக இருக்கலாம். ஆனால், ஒரு சாரார் வேற்றுலகவாசிகள் பூமிக்கு வந்தார்கள் என்பதையும் தாண்டி, பல செயல்களுக்கு அவர்களே காரணம் என்றும் கூறிக்கொண்டிருக்கிறார்கள். பிரமிடுகள் போன்ற பூமியின் பிரமாண்டமான கட்டுமானங்களை உருவாக்கியது முதல், கொலம்பியா விண்கலம் வெடித்துச் சிதறியதுவரை பலவற்றிலும் வேற்றுலவாசிகளின் தொடர்பு இருக்கலாம் என்று மனிதர்களின் ஒரு பிரிவினர் நம்பிக் கொண்டிருக்கிறார்கள்.
 கடந்த சில நூற்றாண்டுகளில் பூமியின் பல பகுதிகளிலும், வானில் பறந்து கொண்டிருந்தபோதும், விண்வெளியில் சுற்றிக் கொண்டிருந்தபோதும் பறக்கும் தட்டுகளைப் பார்த்ததாகவும் பலர் கூறியிருக்கின்றனர். புகைப்படங்களாகவும் பேட்டிகளாகவும் ஆதாரங்கள் வெளியிடப்பட்டிருக்கின்றன. ஆனாலும் ஏலியன்கள் இருக்கிறார்கள் என்பதையோ, பறக்கும் தட்டுகள் பூமிக்கு வந்தன என்பதையோ எந்த நாட்டு அரசும் இதுவரை ஒப்புக் கொண்டதில்லை. 

ஆனால் அப்படியொரு அறிவிப்பு வெளியிடப்படுவதாக கடந்த வாரத்தில் இருந்து ஒரு வீடியோ யூட்யூபில் சுற்றிக் கொண்டிருக்கிறது. அனானிமஸ் என்ற ஹேக்கிங் குழுமத்தைச் சேர்ந்தவர்கள் வெளியிட்ட இந்த வீடியோ, நாசா அமைப்பு வேற்றுலக வாசிகள் இருப்பதைக் கண்டுபிடித்து விட்டதாகக் கூறியது. நாசா விஞ்ஞானி ஒருவரின் கருத்துகளை மேற்கோள்காட்டி, ஏலியன்களை நாசா கண்டுபிடித்திருப்பது உறுதி எனவும் இந்த வீடியோவில் தெரிவிக்கப்பட்டிருந்தது.

பறக்கும் தட்டுகள் வருவது போன்ற காட்சிகளும் இதில் இடம்பெற்றிருக்கின்றன. 18 லட்சத்துக்கும் அதிகமானோர் பார்த்த இந்த விடியோ தொடர்ந்து வேகமாகப் பரவி வருகிறது. இந்த நிலையில், அப்படியொரு எந்த அறிவிப்பையும் வெளியிடும் திட்டமில்லை என்று நாசா கூறியிருக்கிறது. அனானிமஸ் வீடியோவில் குறிப்பிடப்பட்டிருக்கும் விஞ்ஞானியும், இதே கருத்தைத் தெரிவித்திருக்கிறார். தமது கருத்துகள் தவறாகப் பொருத்திக் கொள்ளப்பட்டிருப்பதாகவும் அவர் குறிப்பிட்டார். இருப்பினும், ஏரியா 51, ராஸ்வெல் பறக்கும் தட்டு என வேற்றுலகவாசிகள் பற்றிய பல கதைகளைக் கொண்டிருக்கும் அமெரிக்காவில் அனானிமஸ் வெளியிட்ட வீடியோ அதிர்வலைகளை உருவாக்கத் தவறவில்லை.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close