[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

ஹேக்கிங்கிலிருந்து ஸ்மார்ட்போனை பாதுகாக்கும் வழிகள்

tips-to-protect-your-smartphone-from-hackers

இன்றைய டெக் உலகில் சராசரியாக தினமும் 4 மணி நேரம் அளவுக்கு ஒவ்வொருவரும் ஸ்மார்ட்போன்களுடம் நேரம் செலவிடுவதாக ஆய்வுகள் கூறுகின்றன. அன்றாட வாழ்வில் அவசியத் தேவையாக மாறிவிட்ட ஸ்மார்ட்போன்களை ஹேக்கர்களிடமிருந்து பாதுகாக்க சில எளிய வழிமுறைகள்.

லாக்:

உங்கள் ஸ்மார்ட்போன்களை லாக் செய்து வைத்திருப்பது பாதுகாப்பில் அடிப்படை அம்சமாக பார்க்கப்படுகிறது. இதன்மூலம் உங்கள் ஸ்மார்ட்போன் திருடப்பட்டாலோ அல்லது தொலைந்துபோனாலோ, அதிலுள்ள தகவல்களை மற்றவர்கள் பயன்படுத்தாமல் இருக்க இது உதவும். இதுதவிர கூகுள் பிளே ஸ்டோரில் கிடைக்கும் ஆப் லாக், டாகுமெண்ட் லாக்கர் உள்ளிட்ட செயலிகளைப் பயன்படுத்தலாம்.

தெரியாத வைஃபை இணைப்புகளைத் தவிர்த்தல்:

இணையத்தின் பயன்பாடு நாளுக்கு நாள் அதிகரித்துக் கொண்டிருக்கும் நிலையில், பெரும்பாலான பொது இடங்களில் இலவச வைஃபை வசதி கிடைக்கிறது. நம்பகத்தன்மை இல்லாத வைஃபை இணைப்புகளை நீங்கள் பயன்படுத்தும் போது, அதன்மூலம் உங்கள் ஸ்மார்ட்போன் ஹேக் செய்யப்பட்டு தகவல்கள் திருடப்பட வாய்ப்பிருக்கிறது. பொதுஇடங்களில் வைஃபையைத் தவிர்த்து விட்டு டேட்டா ரீசார்ஜ் செய்துகொள்வது நலம் பயக்கும். தவிர்க்க முடியாத சூழலில் பொது இடங்களில் உள்ள வைஃபையில் இணைக்க வேண்டிய சூழல் ஏற்பட்டால் வங்கி பண பரிவர்த்தனை உள்ளிட்டவைகளை மேற்கொள்ளாமல் தவிர்த்தல் பாதுகாப்பு.

செயலிகள் கூடுதல் கவனம் அவசியம்:

கூகுள் பிளே ஸ்டோரில் பெரும்பாலான செயலிகள் இலவசமாகக் கிடைக்கும் நிலையில், தரவிறக்கம் செய்யும் முன்பாக அவற்றின் நம்பகத்தன்மையை உறுதிப்படுத்திக் கொள்ளுங்கள். ஏனெனில், செயலிகள் மூலம் உங்கள் ஸ்மார்ட்போனில் உள்ள தகவல்க எளிதில் திருட முடியும்.

ஆன்டி வைரஸ்:

மால்வேர் தாக்குதல்களில் இருந்து உங்கள் ஸ்மார்ட் போனைப் பாதுகாக்க நம்பகமான ஆன்டி வைரஸ்களைப் பயன்படுத்தலாம். இதன்மூலம் இணையத்தில் உலவும் மால்வேர்களில் இருந்து உங்கள் ஸ்மார்ட்போனை பாதுகாத்துக் கொள்ள முடியும்.

சாப்ட்வேர் அப்டேட்:

ஸ்மார்ட்போன் மென்பொருளில் ஏற்படும் குறைகளை சரிசெய்து இயங்குதள அளவிலான அப்டேட்டுகளை அந்தந்த நிறுவனங்கள் வழங்குவதுண்டு. உங்கள் ஸ்மார்ட்போனின் சாப்ட்வேரினை உரிய நேரத்தில் அப்டேட் செய்துகொள்வதன்மூலம் பெரும்பாலான மால்வேர்களில் இருந்து பாதுகாத்துக் கொள்ள முடியும்.

Advertisement:
இது தொடர்பான செய்திகள் :
Advertisement:
Advertisement:
[X] Close