[X] Close
JUST IN
  • BREAKING-NEWS இ-சிகரெட் விற்பனை, உற்பத்தி, ஏற்றுமதி இறக்குமதிக்கு தடை - மத்திய அமைச்சரவைக் கூட்டத்தில் முடிவு
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு
  • BREAKING-NEWS சென்னை உள்பட மாநிலத்தின் பல்வேறு பகுதிகளில் இடிமின்னலுடன் கனமழை. வளிமண்டல மேலடுக்குச் சுழற்சி காரணமாக மழை நீடிக்கும் எனத் தகவல்

ரத்தம் தேவைக்கு புதிய செயலி... சேலம் 10ஆம் வகுப்பு மாணவரின் வடிவமைப்பு

new-app-for-blood-donation

ரத்ததானம் செய்பவர்களையும், ரத்தம் தேவைப்படுவோரையும் ஒருங்கிணைத்து, உடனுக்குடன் ரத்தம் பெறும் விதமாக புதிய செயலி ஒன்றை சேலத்தை சேர்ந்த பத்தாம் வகுப்பு மாணவன் வடிவமைத்துள்ளார்.

பொதுநலன் கருதி செயலி வடிவமைப்பு ரத்ததானம் குறித்த விழிப்புணர்வு நாளுக்கு நாள் பரவலாக்கப்பட்டுதான் வருகிறது. இருப்பினும் அவசர காலங்களில் ரத்தம் கிடைக்காமல் உயிரிழப்போரின் எண்ணிக்கையும் குறைந்தபாடில்லை. குறிப்பாக ஒருவருக்கு ரத்தம் தேவைப்படும்போது பாதிக்கப்படுவோரின் குடும்பத்தினரின் செய்வதறியாது படபடப்புக்கு ஆளாகும் நிலை சொல்லில் அடங்காது. இதற்கு தீர்வு காண வேண்டும் என்று மனதில் தோன்றிய எண்ணங்களுக்கு செயலி வடிவம் கொடுத்துள்ளார் சேலத்தை சேர்ந்த மாணவன் ரஞ்சித்.

சேலம் அழகாபுரம் நகரமலை அடிவாரம் பகுதியை சேர்ந்த ராஜா-தவமணி தம்பதியின் இளைய மகன் ரஞ்சித் அதே பகுதியில் உள்ள தனியார் பள்ளியில் பத்தாம் வகுப்பு பயின்று வருகிறார். ரத்ததானம் செய்ய விருப்பமுள்ளவர்கள் அவர் உருவாக்கியுள்ள செயலியில் தங்கள் விவரங்களை பதிவு செய்துகொள்ள வேண்டும். இதன்மூலம் ரத்தம் தேவைப்படுவோர் இவர்களை எளிதில் கண்டறிந்து பயன் பெறலாம். அதே நேரத்தில், தனது செயலியை பயன்படுத்துவதன் மூலம், நேரத்தை மிச்சப்படுத்தலாம் என்றும், இதன் மூலம் தேவையற்ற பதற்றம் தவிர்க்கப்படுவதோடு, உரிய நேரத்தில் ரத்தம் கிடைக்கும் என்று ரஞ்சித் கூறுகிறார்.

பொதுநலன் கருதி செயலியை உருவாக்கியிருக்கும் 10ஆம் வகுப்பு மாணவனின் முயற்சி பாராட்டப்படத்தக்க ஒன்றாக உள்ளது. இதன் மூலம் உரிய நேரத்தில் ரத்த தானம் கிடைத்து, மனித உயிர்கள் காப்பாற்றப்பட வேண்டும் என்பதே அனைவரின் விருப்பமாக உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close