[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

பூமியின் காந்தபுலத்தில் விரிசல்... ஊட்டி டெலஸ்கோப் மூலம் கண்டுபிடிப்பு

indian-scientists-detect-crack-in-earth-s-magnetic-shield

பூமியின் காந்தபுலத்தில் விரிசல் ஏற்பட்டுள்ளதை உதகமண்டலத்தில் அமைக்கப்பட்டுள்ள தொலைநோக்கி மூலம் விஞ்ஞானிகள் கண்டுபிடித்துள்ளனர்.

பூமியின் மேற்பரப்பில் உள்ள காஸ்மிக் கதிர்களைக் கண்காணிக்கும் உலகின் மிகப்பெரிய ஆய்வகம் ஊட்டியில் உள்ளது. இந்த ஆய்வகத்தில் உள்ள கிரேப்ஸ்-3 மியோன் தொலைநோக்கி மூலம் பூமியின் காந்தபுலம் குறித்து விஞ்ஞானிகள் ஆய்வு செய்து வருகின்றனர். ஆய்வில், பூமியின் காந்தபுலத்தில் விரிசல் ஏற்பட்டுள்ளதாக விஞ்ஞானிகள் கண்டுபிடித்துள்ளனர்.

சூரியனைச் சுற்றியிருக்கும் ஒளிவட்டத்திலிருந்து பிரிந்து வந்த பிளாஸ்மா மேகக் கூட்டம் பூமியின்மீது மோதியதால் இந்த விரிசல் ஏற்பட்டுள்ளதாகவும் விஞ்ஞானிகள் கண்டுபிடித்துள்ளனர். சுமார் 20 ஜிகாஎலெக்ட்ரான் வோல்ட் சக்தியுடன் கூடிய காஸ்மிக் கதிர்களைக் கொண்டிருந்த அந்த பிளாஸ்மா மேகக்கூட்டம், பூமியின் காந்தபுலத்தின் மீது மணிக்கு 25 லட்சம் கி.மீ. வேகத்தில் மோதியதாக விஞ்ஞானிகள் கூறியுள்ளனர். இதனால் பூமியின் சுற்றளவை விட 4 முதல் 11 மடங்கு அளவுக்கு காந்தபுலத்தில் சுருக்கம் ஏற்பட்டுள்ளதாகவும் விஞ்ஞானிகள் அதிர்ச்சி தகவலை வெளியிட்டுள்ளனர். கடந்த ஆண்டு நடந்த இந்த மோதல் 2 மணி நேரம் நீடித்ததாகவும் கூறப்பட்டுள்ளது.

பூமியைச் சுற்றி பல லட்சம் கிலோமீட்டர் பரப்பளவில் விரிந்துள்ள காந்தபுலம், சூரியன் மற்றும் மற்ற கோள்களில் இருந்து வெளிவரும் காஸ்மிக் கதிர்கள் உள்ளிட்ட கதிர்வீச்சிலிருந்து காக்கிறது. காந்தபுலத்தில் விரிசல் ஏற்பட்டுள்ளதால் அட்சரேகையை ஒட்டியுள்ள நாடுகளில் ரேடியோ தொடர்புகள் பாதிக்கப்பட்டிருப்பதும் விஞ்ஞானிகளின் ஆய்வில் தெரியவந்துள்ளது.

Advertisement:
Advertisement:
Advertisement:
[X] Close