[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

தமிழக காங்கிரஸ் கமிட்டி தலைவர் யார்?: நீடிக்கிறது குழப்பம்

who-is-next-tamil-nadu-congress-committee-leader

தமிழக காங்கிரஸ் கமிட்டியின் தலைவர் யார்..? ஈவிகேஎஸ் இளங்கோவன் ராஜினாமா அனுப்பி 2 வாரங்கள் ஆன நிலையில் காங்கிரஸில் அந்த பதவி யாருக்கு கிடைக்க போகிறது? என பல கேள்விகள் எழுகின்றன.

தமிழகத்தில் சட்டமன்ற தேர்தல் முடிவுகள் வெளியான வேகத்திலேயே பிரதான அரசியல் கட்சிகள், உள்ளாட்சி தேர்தலுக்கு தங்களை தயார் படுத்திக்கொள்ளும் பணிகளை தொடங்கி விட்டன. ஆளும் கட்சி எதிர்க்கட்சி தேசிய கட்சி என உள்ளாட்சி தேர்தலுக்கு தங்களை வலுப்படுத்தும் பணியில் அனைத்து கட்சிகளும் ஈடுபட்டிருக்க காங்கிரஸ் கட்சியிலோ, மாநிலத் தலைவரே இல்லாமல் திண்டாடிக்கொண்டிருக்கிறது.

கடந்த மாதம் 25-ஆம் தேதி காங்கிரஸ் கமிட்டி தலைவர் பதவியில் இருந்து ஈவிகேஎஸ் இளங்கோவன் ராஜினாமா செய்தார். கட்சி மேலிடமும் அவரது ராஜினாமாவை ஏற்றுக் கொண்டது. ஆனால் ஈவிகேஎஸ் இளங்கோவன் பதவியை ராஜினாமா செய்து இரு வாரங்களாகியும் இதுவரை புதிய தலைவர் நியமிக்கப்படவில்லை.

ஈவிகேஎஸ் இளங்கோவனே தமிழக காங்கிரஸ் கமிட்டி தலைவராக நீடிக்க வேண்டும் என அவரது ஆதரவாளர்கள் டெல்லி தலைமையிடம் சென்று முறையிட்டனர். இந்த நிலையில் இவர் தான் அடுத்த தலைவர் அவர் தான் அடுத்த தலைவர் என யூகங்களும் பரவிய வண்ணம் இருக்கிறது. இதற்கு வலு சேர்ப்பது போல திருநாவுக்கரசர், சுதர்சன நாச்சியப்பன், வசந்தகுமார், மாணிக்க தாகூர், செல்லகுமார், விஜயதரணி, தங்கபாலு ஆகியோர் டெல்லியில் காங்கிரஸ் துணைத் தலைவர் ராகுல்காந்தியை சந்தித்த நிகழ்வுகளும் அரங்கேறின.

தமிழக காங்கிரஸ் கமிட்டியின் அடுத்த தலைவர் யார் என்ற கேள்விக்கான பதிலை ஈவிகேஎஸ் இளங்கோவனே வழங்குவார் என நினைத்த ஊடகங்களிடமும், அவர் மவுன விரதத்தை கடைபிடிப்பதாக அறிவித்துவிட்டார்.

இதற்கிடையில் கராத்தே தியாகராஜன் டெல்லி சென்று காங்கிரஸ் தலைவர் சோனியாகாந்தியை சந்தித்து பேசினார். எனினும் அது மரியாதை நிமித்த சந்திப்பே என அவர் விளக்கமளித்துள்ளார்.

கராத்தே தியாகராஜன் சோனியா காந்தியை சந்தித்ததால் அவர் தான் அடுத்த தலைவரோ என்ற பேச்சு தொடங்கி இருக்கிறது. இருந்தாலும் தமிழக காங்கிரஸ் கமிட்டி தலைவராக யார்? எப்போது ? நியமிக்கப்படுவார் என்ற கேள்விக்கு தலைமையே பதில் அளிக்க வேண்டும்.

Advertisement:
Advertisement:
Advertisement:
[X] Close