[X] Close
JUST IN
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“மொழியை வைத்து அரசியல் செய்யக்கூடாது”- கமல்ஹாசன்

i-am-not-opposed-any-language-says-kamal-hassan

கரைவேட்டி கட்டியவர்கள் பார்த்து கொள்வார்கள் என்பதால்தான் அரசியலில் கறை படிந்து இருக்கிறது என கமல்ஹாசன் தெரிவித்தார்.

சென்னை லயோலா கல்லூரி மக்கள் நீதி மய்யம் தலைவர் கமல்ஹாசன் உரையாற்றினார். அப்போது பேசிய அவர் மாணவர்கள் அரசியலை பார்த்து ஒதுங்கி நிற்க கூடாது என்றார். அரசியல் பேசாமல் கல்வி, விவசாயம் முன்னேறாது என்ற அவர், கரைவேட்டி கட்டியவர்கள் பார்த்து கொள்வார்கள் என்பதால்தான் அரசியலில் கறை படிந்து இருக்கிறது என்றும் தெரிவித்தார். அத்துடன் மாணவர்களின் கேள்விகளுக்கும் கமல் பதிலளித்தார்.

கேள்வி: தமிழக இளைஞர்களுக்கு வழிகாட்டுதல் என்ன ?

கமல்: இன்றைய இளைஞர்களே நாளைய தலைவர்கள். வேலை ஒரு பக்கம் இருந்தாலும், கல்வி முறையை அரசு சரியாக செய்ய வேண்டும்.

கேள்வி: சினிமா, அரசியல் என வாரிசு அரசியலை எப்படி பார்க்கிறீர்கள். இது பலருக்கு வாய்ப்பு இல்லாத சூழல்?

கமல்: வாரிசு அரசியல் சரியாக இருக்காது தான். அதற்காக தான் ஜனநாயகம் வந்தது. ஆனால் தமிழக அரசியலில் குடும்ப அரசியலை பிரிக்க முடியாது. அதனால் தான் என் குடும்பத்தை பெரிதாக்கினேன். அதை செய்யலாம். பாதையை பெரிதாக்க வேண்டும். மாணவர்களுக்காக பாதை வெட்ட தயாராகிவிட்டேன். அதில் மாணவர்கள் நடக்க தயாராக வேண்டும்

தமிழ் மொழியின் எதிர் காலம் எப்படி இருக்கும்..?

கமல்: தமிழ் நடக்கும் சாலையை சுத்தமாக வைக்க வேண்டும். அடிமைத்தனம் போக நல்ல விஷயமும் நடந்திருக்கிறது. சங்கிலியை உருக்கி ஆயுதமாக மாற்றியுள்ளோம். அது தான் ஆங்கிலம். *நம் உணர்வு வரை தமிழ் வாழும். அது வளர்ந்து கொண்டே இருக்கும். அதை அசைக்க முடியாது,

எந்த மொழியையும் நான் எதிர்க்கவில்லை. மொழி என்பது குழந்தைகளின் 'டயபர் ' போன்றது. மொழி ஒரு தொடர்பியல் கருவி தான். எனவே அதை வைத்து அரசியல் செய்ய கூடாது. உணவகத்தில் நாம் என்ன உணவு உண்ண வேண்டும் என்பதை ஹோட்டல் நிர்வாகம் முடிவு செய்யக்கூடாது.” என்றார்.

நல்லதோ, தீமையோ உயரமான இடத்தில் இருந்து சொன்னால் நன்றாக கேட்கும். எனவே தப்பான ஆட்களை வைக்க கூடாது. எல்லா திட்டமும் கமிஷன் தான் படித்த கல்வியாளர்களிடம் திட்டம் இருக்கிறது. தமிழர்கள் நீர் மேலாண்மையில் சிறந்து விளங்கியவர்கள். ஏன் இஸ்ரேல் சென்று கற்றுக் கொள்ள வேண்டும் ? எனவும் கமல்ஹாசன் தெரிவித்தார்.

Advertisement:
Advertisement:
Advertisement:
[X] Close