[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

மக்கள் நீதி மய்யத்துடன் கை கோர்த்த பிரசாந்த் கிஷோர் - விரைவில் அதிகாரப்பூர்வ அறிவிப்பு

mamata-and-nitish-s-poll-strategist-prashant-kishor-to-now-help-kamal-haasan

கமல்ஹாசனின் மக்கள் நீதி மய்யத்துடன் தேர்தல் நிபுணர் என்று அழைக்கப்படும் பிரசாந்த் கிஷோர் கைகோர்க்கவுள்ளது குறித்து விரைவில் அதிகாரப்பூர்வ அறிவிப்பு வெளியாகவுள்ளது.

தேர்தல் வித்தகர் என அழைக்கப்படும் பிரசாந்த் கிஷோர், பாஜக, ஐக்கிய ஜனதா தளம் ஒய்.எஸ்.ஆர். காங்கிரஸ் உள்ளிட்ட கட்சிகளுக்கு ‌தேர்தல் ஆலோசகராக இருந்தவர் ஆவார். தேர்தலில் வெற்றி பெறுவதற்காக அரசியல் கட்சிகளுக்கு வியூகங்கள் அமைத்து கொடுப்பவர் பிரசாந்த் கிஷோர். இவர் பிரதமர் மோடி, பீகார் முதலமைச்சர் நிதிஷ்குமார், ஆந்திர முதல்வர் ஜெகன்மோகன் ரெட்டி உள்ளிட்டவர்களுக்கு வியூகங்கள் அமைத்து கொடுத்து அவர்களை வெற்றி பெறச்செய்தவர்.

மக்கள் நீதி மய்யம் தலைவர் கமல்ஹாசனை, பிரசாந்த் கிஷோர் சமீபத்தில் சந்தித்தார். சென்னை ஆழ்வார்பேட்டையில் உள்ள மக்கள் நீதி மய்யம் கட்சி அலுவலகத்தில் இந்த சந்திப்பு நடைபெற்றது. சுமார் ஒரு மணி நேரம் நடைபெற்ற சந்திப்பில், சட்டமன்ற தேர்தல், கட்சிகளின் நிலைப்பாடு உள்ளிட்டவை ஆலோசிக்கப்பட்டதாக தெரிகிறது. 

இந்நிலையில், மக்கள் நீதி மய்யத்துடன் பிரசாந்த் கிஷோர் கைகோர்க்கவுள்ளது குறித்து விரைவில் அதிகாரப்பூர்வ அறிவிப்பு வெளியாகவுள்ளது. மக்கள் நீதி மய்யத்தின் தலைவர் ஒருவர் இந்த தகவலை தெரிவித்துள்ளார். பெண்களின் வாக்குகள் கமலின் கட்சிக்கு சரியாக கிடைக்கவில்லை என்று கிஷோரின் ஐபேக் நிறுவனத்தினர் தெரிவித்திருந்ததாக கூறப்படுகிறது. அதேபோல், அதிமுக உடன் மக்கள் நீதி மய்யம் கூட்டணி அமைக்க வாய்ப்புள்ளதாகவும் கூறப்படுகிறது.

நடந்து முடிந்த நாடாளுமன்ற தேர்தலில் மக்கள் நீதி மய்யத்திற்கு நான்கு சதவீதம் வாக்குகள் கிடைத்தன. கிராமப்புறங்களை விட நகரங்களில் இந்த கட்சிக்கு அதிக வாக்குகள் கிடைத்தன. குறிப்பாக சென்னையின் மூன்று தொகுதிகளிலும் மூன்றாவது இடம் பிடித்தது. 

Advertisement:
இது தொடர்பான செய்திகள் :
Advertisement:
Advertisement:
[X] Close