[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

“புதிய உறுப்பினர்களை சேர்க்கும் நிகழ்ச்சி பாஜகவை பலப்படுத்தும்” - பிரதமர் மோடி 

pm-modi-to-kick-off-bjp-membership-drive-in-varanasi-today

பாஜகவில் புதிய உறுப்பினர்களைச் சேர்க்கும் நிகழ்ச்சியை பிரதமர் மோடி தனது சொந்த தொகுதியான வாரணாசியில் இன்று தொடங்கி வைக்கிறார்.

மக்களவைத் தேர்தல் 2019ல் பாஜக கட்சி அதிக இடங்களில் வெற்றியை பெற்றது. இதனைத் தொடர்ந்து தற்போது மீண்டும் ஆட்சியமைத்துள்ளது. இந்தச் சூழலில் பாஜக தனது கட்சியில் புதிய உறுப்பினர்களைச் சேர்க்கும் திட்டத்தை அறிவித்துள்ளது. அதன்படி இன்று காலை தொடங்கும் இந்தத் திட்டம் வரும் ஆகஸ்ட் மாதம் 11ஆம் தேதி வரை இந்தியா முழுவதும் உள்ள பல்வேறு பகுதிகளில் நடைபெறவுள்ளது. 

இந்நிலையில் இன்று வாரணாசியில் தொடங்கும் இந்தக் கூட்டத்தில் பிரதமர் மோடி பங்கேற்று உரையாற்றுகிறார். இதுகுறித்து பிரதமர் மோடி தனது ட்விட்டர் பக்கத்தில், “இந்தப் புதிய உறுப்பினர்கள் சேர்க்கும் நிகழ்ச்சி பாஜகவில் பலதரப்பட்ட மக்கள் இணைவதற்கு உதவியாக இருக்கும். அத்துடன் இது பாஜகவை பலப்படுத்தும். நமக்கு பெரிய முன்னுதாரணமாக உள்ள ஷ்யாமா பிரசாத் முகர்ஜியின் பிறந்தநாளான இன்று இந்த நிகழ்வு தொடங்கவுள்ளது. மேலும் இன்று காலை 11.30 மணிக்கு வாரணாசியில் நடைபெறும் கூட்டத்தில் நான் பட்ஜெட் குறித்தும் இந்தியாவின் வளர்ச்சி குறித்தும் உரையாற்ற உள்ளேன்” எனப் பதிவிட்டுள்ளார். 

நாடு முழுவதும் நடைபெறும் இந்தப் புதிய உறுப்பினர்கள் சேர்க்கும் நிகழ்ச்சிகளின் மூலம் தற்போது இருக்கும் உறுப்பினர்களின் எண்ணிக்கையிலிருந்து கூடுதலாக 20 சதவிகிதம் அதிகரிக்க பாஜக திட்டமிட்டுள்ளது. இதேபோல வரும் நாட்களில் ஜெய்ப்பூரில் நடைபெறும் நிகழ்ச்சியில் பாதுகாப்புத்துறை அமைச்சர் ராஜ்நாத் சிங் பங்கேற்கிறார். 

ஹைதராபாத்தில் நடைபெறும் நிகழ்ச்சியில் உள்துறை அமைச்சர் அமித் ஷா மற்றும் நாக்பூரில் நடைபெறும் நிகழ்ச்சியில் சாலை மற்றும் போக்குவரத்துறை அமைச்சர் நிதின் கட்கரியும் பங்கேற்கின்றனர். 

Advertisement:
Advertisement:
Advertisement:
[X] Close