[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“ஒரே நாடு; ஒரே ரேஷன் அட்டை கூடாது” - ஸ்டாலின் வலியுறுத்தல்

stalin-statement-against-about-one-country-one-ration-card

ஒரே நாடு ஒரே ரேசன் அட்டை, அகில இந்திய நீதித்துறைத் தேர்வு போன்ற அறிவிப்புகளை மத்திய பாரதிய ஜனதா அரசு உடனடியாக கைவிட வேண்டும் என்று திமுக தலைவர் மு.க.ஸ்டாலின் வலியுறுத்தியுள்ளார்.

இதுதொடர்பாக அவர் வெளியிட்டுள்ள அறிக்கையில், ஒரே நாடு ஒரே ரேசன் அட்டை, மாநிலங்களில் பணியாற்றும் மாஜிஸ்திரேட்டுகளை மத்திய அரசே தேர்வு என்று எரியும் நெருப்பில் மேலும் எண்ணெய்யை வார்ப்பதைப்போல் கூட்டாட்சித் தத்துவத்தின் ஆணிவேரை மத்திய அரசு பிடுங்கி எறிவதாக கண்டனம் தெரிவித்துள்ளார். 

பொது விநியோக திட்டம் மாநில அரசுகளின் அடிப்படை உரிமை என்றும் அதில் கை வைப்பது தேன் கூட்டில் கல் வீசுவதற்கு சமம் என்றும் ஸ்டாலின் எச்சரித்துள்ளார். மேலும் அடுத்தாண்டு ஜூன் மாதத்திற்குள் இத்திட்டம் செயல்படுத்தப்படும் எனக் கெடு விதிப்பது எதேச்சதிகாரமான, தன்முனைப்பான நிர்வாகத்தின் உச்சகட்டம் எனவும் ஸ்டாலின் கூறியுள்ளார்.  

இதேபோல், மாவட்ட நீதிபதிகள், மாஜிஸ்திரேட்டுகளை மத்திய அரசே தேர்வு செய்யும் எனக் கூறியிருப்பது கூட்டுறவுக் கூட்டாட்சி முழக்கத்தை கேலிக்குரியதாக்கும் செயல் எனவும் குறிப்பிட்டுள்ளார். எனவே, இதுபோன்ற அறிவிப்புகளை மத்திய அரசு கைவிட வேண்டும் என்றும், அதிமுக அரசு இந்தத் திட்டங்களை ஆரம்பதிலேயே எதிர்க்க வேண்டும் எனவும் ஸ்டாலின் வலியுறுத்தியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close