[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

அதிமுகவை அழித்து அமமுகவால் வளர முடியாது! - தங்க தமிழ்செல்வன்

thaga-tamizh-selvan-said-about-admk-and-ammk

அதிமுகவை அழித்து அமமுகவால் வளர்ச்சி அடைய முடியாது என தங்க தமிழ்செல்வன் தெரிவித்துள்ளார். 

அதிமுகவில் இருந்து வெளியேற்றப்பட்ட டிடிவி தினகரனுக்காக 18 எம்.எல்.ஏக்கள் தங்கள் பதவியை துறந்தனர். அதில் தங்க தமிழ்செல்வனும் ஒருவர். அதிமுகவில் இருந்து வெளியேறிய பிறகு தினகரனுக்கு நம்பிக்கைக்கு உரியவராக மாறினார். 

தினகரன் தொடங்கிய அமமுக கட்சியில் பல்வேறு முடிவுகளை எடுப்பதில் தன்னை முதன்மையாக காண்பித்து கொண்டார் தங்க தமிழ்செல்வன். அமமுக சார்பில் மீடியாக்களுக்கு பேட்டி கொடுப்பதிலும் தங்க தமிழ் செல்வன், வெற்றிவேல், புகழேந்தி ஆகியோரே முன்னிலையில் இருந்தனர். 

இதையடுத்து மக்களவை தேர்தலில் போட்டியிட்ட தங்க தமிழ்செல்வன் தோல்வியை சந்தித்தார். இதைத்தொடர்ந்து அமமுகவில் பல குழப்பங்கள் நிலவி வருகிறது. இதனிடையே அதிமுகவினர் கட்சியை விட்டு விலகியவர்கள் தாய் கழகத்தில் இணைய வேண்டும் என அழைப்பு விடுத்து வருகின்றனர். டிடிவியை தவிர யார் வந்தாலும் அதிமுக ஏற்றுக்கொள்ளும் என அமைச்சர் ஜெயக்குமார் தெரிவித்து வருகிறார். 

இதையும் படிக்கலாம் 'தங்கதமிழ்ச் செல்வன் அதிமுகவில் இணையலாம்' அமைச்சர் டி.ஜெயக்குமார்

இந்த நிலையில் டிடிவி தினகரனுக்கு எதிராக தங்க தமிழ்செல்வன் போர்க்கொடி உயர்த்தியுள்ளார். டிடிவி தினகரன் குறித்து அமமுக நிர்வாகியிடம் போனில் தரக்குறைவாக பேசியது தெரியவந்துள்ளது. இதையடுத்து தங்க தமிழ்செல்வன் கட்சியில் இருந்து நீக்கப்படுவார் என டிடிவி தினகரன் தெரிவித்துள்ளார். 

இந்நிலையில் அதிமுகவை அழித்து அமமுகவால் வளர்ச்சி அடைய முடியாது என தங்க தமிழ்செல்வன் தெரிவித்துள்ளார். மதுரை விமான நிலையத்தில் செய்தியாளர்களை சந்தித்த தங்க தமிழ்செல்வன், “என்னைப்பற்றி ஆடியோ வீடியோ அனுப்பது டிடிவி தினகரனின் தலைமை பண்புக்கு சரியல்ல. ஒன் மேன் ஆர்மியாக டி.டிவி செயல்படுவதால் கட்சியில் உள்ளவர்கள் வெளியேறி வருவார்கள், மீதி உள்ளவர்களும் விரைவில் வெளியேறுவார்கள். அமமுகவின் கூடாரம் காலியாகுமா என்பது தொண்டர்கள் கையில் தான் உள்ளது. கொள்கையே இல்லாத கட்சிக்கு கொள்கை பரப்புச் செயலாளர் அவசியமா? எந்த கட்சியிலும் நான் சேரவிரும்பவில்லை. என்னை யாரும் அனுகவுமில்லை. ” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close