[X] Close
JUST IN
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழகத்தில் 3 இடங்களில் ஹைட்ரோகார்பன் எடுக்க இன்று மாலை ஒப்பந்தம் கையெழுத்தாகிறது டெல்லி தனியார் ஓட்டலில் ஓஎன்ஜிசி நிறுவனத்துக்கு அனுமதி வழங்குகிறார் அமைச்சர் தர்மேந்திர பிரதான்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு
  • BREAKING-NEWS அறிமுகமானது முறைப்படுத்தப்பட்ட வாடகைத் தாய் மசோதா
  • BREAKING-NEWS தனியார் மருத்துவமனைக்கு ராஜகோபாலை மாற்ற நீதிமன்றம் அனுமதி

8 வழிச்சாலை மேல்முறையீட்டை திரும்ப பெற ஸ்டாலின் வலியுறுத்தல் 

mk-stalin-condemn-that-nhai-files-review-petition-against-madras-high-court-order-on-8-ways-plans-ban

8 வழிச்சாலை திட்டத்திற்காக உச்சநீதிமன்றத்தில் மத்திய அரசு செய்த மேல்முறையீட்டை திரும்பப் பெற வேண்டும் என்று திமுக தலைவர் மு.க.ஸ்டாலின் வலியுறுத்தியுள்ளார்.

8 வழிச்சாலை திட்டத்திற்காக காஞ்சிபுரம், திருவண்ணாமலை, வேலூர், தருமபுரி, சேலம் உள்ளிட்ட 5 மாவட்டங்களில் நிலம் கையப்படுத்தும் பணிக்கு எதிராக 50க்கும் அதிகமான வழக்குகள் சென்னை உயர்நீதிமன்றத்தில் தொடரப்பட்டன. விசாரணைக்கு பின், 8 வழிச்சாலை திட்டத்திற்காக நிலம் கையகப்படுத்த தமிழக அரசு பிறப்பித்த அறிவிப்பாணை ரத்து செய்யப்பட்டது. 

மேலும், திட்டத்திற்காக ஏற்கெனவே கையகப்படுத்தப்பட்ட நிலங்களை 8 வாரங்களுக்குள் உரிமையாளர்களிடம் ஒப்படைக்கவும் உத்தரவிடப்பட்டது. இதனை எதிர்த்து மத்திய அரசின் தேசிய நெடுஞ்சாலை ஆணையம் மேல்முறையீடு செய்துள்ளது. அதனை அவசர வழக்காக வரும் திங்கட்கிழமை உச்சநீதிமன்றம் விசாரிக்கவுள்ளது.

                    

இந்நிலையில், 8 வழிச்சாலை திட்டத்திற்காக உச்சநீதிமன்றத்தில் மத்திய அரசு செய்த மேல்முறையீட்டை திரும்பப் பெற வேண்டும் மு.க.ஸ்டாலின் வலியுறுத்தியுள்ளார். மேலும், 8 வழிச்சாலை திட்டத்தை நிறைவேற்ற மேல்முறையீடு செய்திருப்பது தமிழக மக்களுக்கு செய்யும் துரோகமாகும் என்று அவர் கூறியுள்ளார். தமிழக மக்களின் வாழ்வாதாரத்துடன் பாஜக அரசு இனியும் விபரீத விளையாட்டு நடத்தாமல் மேல்முறையீட்டை திரும்ப பெற வேண்டும் என்றும் மு.க.ஸ்டாலின் எச்சரித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close