[X] Close
JUST IN
  • BREAKING-NEWS சென்னையில் இருந்து டெல்லி செல்லும் முதலமைச்சர் பழனிசாமி டிச. 19ஆம் தேதி பிரதமர் மோடியை சந்திக்கிறார்
  • BREAKING-NEWS ஏலம் மூலமாக உள்ளாட்சிப் பதவிகள் தேர்ந்தெடுக்கப்பட்டால் அந்தப் பதவி செல்லாது - அமைச்சர் கடம்பூர் ராஜூ
  • BREAKING-NEWS டெல்லியில் குடியுரிமை சட்டத்திற்கு எதிரான போராட்டத்தில் பேருந்துகளுக்கு தீ வைப்பு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்

‘ஏய்.. நீ எந்தச் சாதிப்பா?’ - செய்தியாளரை சீண்டிய கிருஷ்ணசாமி

puthiya-tamilagam-leader-krishnasamy-in-controversial-talk-with-journalist

பத்திரிகை நிருபரிடம் சாதி குறித்து புதிய தமிழகம் கட்சி தலைவர் கிருஷ்ணசாமி கேட்டது சர்ச்சையை ஏற்படுத்தியுள்ளது.

மக்களவைத் தேர்தலில் அதிமுக கூட்டணியில் இடம்பெற்றிருந்த புதிய தமிழகம் கட்சி தென்காசி தொகுதியில் போட்டியிட்டது. இரட்டை இலை சின்னத்தில் போட்டியிட்ட அக்கட்சியின் தலைவர் கிருஷ்ணசாமி தோல்வி அடைந்தார். இந்நிலையில், தேர்தல் முடிவுகள் குறித்து இன்று செய்தியாளர்களை சந்தித்தார். நுங்கம்பாக்கத்திலுள்ள அவரது கட்சி அலுவலகத்தில் இந்தச் செய்தியாளர் சந்திப்பு நடைபெற்றது. 

அப்போது பேசிய கிருஷ்ணசாமி, மக்களவைத் தேர்தலில் தமக்கு வாக்களித்த மக்களுக்கு நன்றி தெரிவிப்பதாக கூறினார். மேலும் அனைத்து சமுதாய மக்களும் தமக்கு வாக்களித்துள்ளதாகவும், இது ஒரு மிகப்பெரிய சமுதாய மாற்றம் எனவும் அவர் குறிப்பிட்டார். 

அத்துடன், ஊடகங்களில் பொய்யான பிரச்சாரத்தினால்தான் பாஜக - அதிமுக கூட்டணி இவ்வளவு பெரிய தோல்வி அடைந்துள்ளதாக அவர் விமர்சித்தார். ஊடகங்கள் நேர்மறையான செய்திகளை வழங்க வேண்டும் என்றும் பாஜக அரசு செய்துள்ள திட்டங்களுக்கு உரிய அங்கீகாரம் கொடுத்து பாராட்ட வேண்டும் என்றும் வலியுறுத்தினார். இதனையடுத்து, செய்தியாளர்கள் பல்வேறு கேள்விகளை எழுப்பினர். அவரும் தொடர்ச்சியாக பதில் அளித்தார்.

    

அப்போது, கிருஷ்ணசாமிக்கு செய்தியாளர்களுக்கும் இடையே லேசான சலசலப்பு ஏற்பட்டது. அந்நேரம் கிருஷ்ணசாமி ஒருமையில் பேசியதுடன், ஒரு செய்தியாளரை பார்த்து, ‘நீ என்ன ஊருப்பா, என்ன சாதி’ என்று கேட்டார். இதனால், செய்தியாளர்கள் கோபமடைந்தனர். அப்போது அங்கிருந்த கிருஷ்ணசாமி ஆதரவாளர்களும் பத்திரிகையாளர்களிடம் வாக்குவாதத்தில் ஈடுபட்டனர்.

‘கேள்வி எழுப்பினால் கேள்விக்கு பதில் மட்டும் சொல்லுங்கள். அதனைவிட்டு என்ன சாதி என்று எப்படி கேட்கலாம்’ என செய்தியாளர்கள் கேட்டனர். ‘என்ன சாதி என்று கேட்பதில் தவறு ஏதுமில்லை. நிருபர்களும் சாதியாகத்தானே இருக்கிறீர்கள்’ என மீண்டும் அதே கருத்தினை கூறினார். இதனால், இந்தச் செய்தியாளர் சந்திப்பில் நீண்ட நேரம் சலசலப்பு நிலவியது.

 

Advertisement:
இது தொடர்பான செய்திகள் :
Advertisement:
Advertisement:
[X] Close