[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

வரிசையாக ராஜினாமா செய்யும் காங்கிரஸ் தலைவர்கள்

3-more-congress-chiefs-send-resignations-to-rahul-gandhi-6-have-quit-so-far

மக்களவைத் தேர்தலில் படுதோல்வி அடைந்ததை அடுத்து காங்கிரஸ் கட்சியைச் சேர்ந்த தலைவர்கள் பலரும் அடுத்தடுத்து ராஜினாமா செய்து வருகின்றனர். 

மக்களவைத் தேர்தலில் பாஜக கூட்டணி 352 தொகுதிகளை கைப்பற்றியுள்ளது. அந்தக் கட்சி தனிப் பெருபான்மையுடன் ஆட்சியமைக்கிறது. காங்கிரஸ் கட்சி 52 தொகுதிகளில் மட்டுமே வெற்றிபெற்றுள்ளது. காங்கிரஸ் கட்சியின் கோட்டை எனக் கூறப்பட்ட அமேதி தொகுதியில் பாஜகவின் ஸ்மிருதி ராணி, காங்கிரஸ் தலைவர் ராகுல் காந்தியை வீழ்த்தினார்.

                 

உத்தரப் பிரதேச மாநிலத்தில் ஒரே ஒரு தொகுதியில் மட்டுமே காங்கிரஸ் கட்சி வென்றுள்ளது. அதேபோல், 17 மாநிலங்களில் ஒரு தொகுதியில் கூட காங்கிரஸ் கட்சி வெற்றி பெறவில்லை. ஆளும் கட்சியாக உள்ள ராஜஸ்தானில் ஒரு தொகுதியில் கூட  வெற்றி பெறவில்லை. அதேபோல், மத்தியப் பிரதேசத்தில் ஒரே ஒரு தொகுதியில் மட்டும் வெற்றி பெற்றுள்ளது. அதுவும்,  கமல்நாத் மகன் மட்டும். ஆளும் கட்சியாக உள்ள கர்நாடகாவிலும் படுதோல்வி அடைந்துள்ளது. கர்நாடகாவில் மல்லிகார்ஜுன  கார்க்கே உள்ளிட்ட முக்கிய தலைவர்களே தோல்வி அடைந்தனர். 

           

இதனையடுத்து, தேர்தலில் படுதோல்வி அடைந்ததற்கு பொறுப்பேற்று பல்வேறு மாநிலக் கட்சி தலைவர்கள் தங்களது ராஜினாமா கடிதத்தை தலைமைக்கு கொடுத்து வருகின்றனர். ஏற்கனவே உத்தரப் பிரதேச காங்கிரஸ் தலைவர் ராஜ் பப்பார், ஒடிசாவின் நிரஞ்சன் பட்நாயக் மற்றும் மகாராஷ்டிராவின் அசோக் சவான் ஆகியோர் ராஜினாமா செய்திருந்தனர்.

இந்நிலையில், மேலும் மூன்று மாநிலங்களின் காங்கிரஸ் தலைவர்கள் ராஜினாமா செய்துள்ளனர். பாஞ்சாப் மாநில காங்கிரஸ் தலைவர் சுனில் ஜகார் தன்னுடைய ராஜினாமா கடிதத்தை ராகுல் காந்திக்கு இமெயிலில் அனுப்பியுள்ளார். குருதாஸ்பூரில் தொகுதியில் போட்டியிட்ட அவர், நடிகர் சுன்னி தியோலிடம் தோற்றார். இந்தத் தோல்விக்கு பொறுப்பேற்று அவர் ராஜினாமா செய்ய முன் வந்துள்ளார். பஞ்சாப்பில் மொத்தமுள்ள 13 தொகுதிகளில் காங்கிரஸ் கட்சி 8 இடங்களில் வென்றது குறிப்பிடத்தக்கது.

                

அதேபோல், ஜார்க்கண்ட் மாநில காங்கிரஸ் தலைவர் அஜய் ராய் தன்னுடைய ராஜினாமா கடிதத்தை தலைமைக்கு அனுப்பியுள்ளார். அங்கு மொத்தமுள்ள 14 தொகுதிகளில் ஒரே ஒரு தொகுதியில் மட்டும் காங்கிரஸ் வென்றது. மேலும், அசாம் மாநில காங்கிரஸ் தலைவர் ரிபுன் போரா தன்னுடைய ராஜினாமா கடிதத்தை தலைமைக்கு அனுப்பியுள்ளார். அசாமில் மொத்தமுள்ள 14 தொகுதிகளில் காங்கிரஸ் மூன்று இடங்களில் மட்டும் வென்றது.

             

அமேதி மாவட்ட காங்கிரஸ் பொறுப்பாளர் யோகேந்திர மிஸ்ரா, கர்நாடக தேர்தல் பிரச்சாரக் குழு தலைவர் ஹெச்.கே.பாடில் ஆகியோர் தோல்விக்கு பொறுப்பேற்று ராஜினாமா கடிதத்தை கொடுத்துள்ளனர். 

               

முன்னதாக, தோல்விக்கு பொறுப்பேற்று தன்னுடைய தலைவர் பதவியை ராஜினாமா செய்ய ராகுல் காந்தி முன் வந்தார். ஆனால், காரியக் கமிட்டியில் அவரது கோரிக்கை நிராகரிக்கப்பட்டது. அவரையே தலைவராக தொடர வலியுறுத்தப்பட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close