[X] Close
JUST IN
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு

“அடுத்தக்கட்ட நகர்வு என்ன?” மாயாவதியுடன் அகிலேஷ் யாதவ் ஆலோசனை

prepping-for-next-step-says-akhilesh-yadav-after-meeting-mayawati

நாடாளுமன்றத் தேர்தலுக்கான வாக்குப் பதிவுகள் அனைத்தும் முடிவடைந்துள்ள நிலையில், மாயாவதியை அகிலேஷ் யாதவ் சந்தித்து ஆலோசனை நடத்தியுள்ளார். 

நாடாளுமன்றத் தேர்தலுக்காக 7 கட்டங்களாக நடைபெற்று வந்த வாக்குப்பதிவு நேற்றுடன் முடிவுக்கு வந்தது. வாக்குப் பதிவுக்கு பின் தேசிய ஊடகங்கள் வெளியிட்ட கருத்துக் கணிப்புகள் அனைத்தும் பாஜகவுக்கு சுமார் 300 இடங்கள் கிடைக்கும் என்று கூறியுள்ளன. இதில், 80 தொகுதிகள் கொண்ட உத்தரப்பிரதேசத்தில் பாஜக 40 இடங்களுக்கு மேல் பிடிக்கும் எனக் கருத்துக் கணிப்புகள் தெரிவிக்கின்றன. பாஜக கடந்த முறை இங்கு 71 தொகுதிகளை கைப்பற்றியது. மிகவும் எதிர்பார்க்கப்பட்ட மாயாவதி, சமாஜ்வாடி கூட்டணிக்கு 30 இடங்கள் வரைதான் கிடைக்கும் எனக் கருத்துக் கணிப்புக்கள் தெரிவித்துள்ளன. 

         

இந்நிலையில், பகுஜன் சமாஜ் கட்சியின் தலைவர் மாயாவதியை, சமாஜ்வாடி தலைவர் அகிலேஷ் யாதவ் இன்று சந்தித்துள்ளார். தேர்தலுக்குப் பிந்தையை கருத்துக்கணிப்புகள் பாஜகவுக்கு சாதகமாக வெளியாகியுள்ள நிலையில் இந்தச் சந்திப்பு முக்கியத்துவம் பெறுகிறது. லக்னோவில் உள்ள மாயாவதியின் இல்லத்தில் இந்தச் சந்திப்பு நடைபெற்றது. 

இந்தச் சந்திப்புக்கு பின்னர் பேசிய அகிலேஷ் யாதவ், அடுத்த கட்ட நகர்வு குறித்து ஆலோசனை செய்ததாக தெரிவித்தார். மேலும். “மே 23ம் தேதி தேர்தல் முடிவுகள் வெளியான பின்பு பேசுவோம். உத்தரப்பிரதேசத்தில் 56 தொகுதிகளில் வெற்றி பெறுவோம் என்பதில் உறுதியாக இருக்கிறோம்” என்று அவர் தெரிவித்தார். உத்தரப்பிரதேசத்தில் பகுஜன் சமாஜ் 38 இடங்களிலும், சமாஜ்வாடி 37 இடங்களிலும் போட்டியிட்டன. கூட்டணி கட்சிகளுக்கு  தொகுதிகளை ஒதுக்கீடு செய்தன. 

           

அத்துடன், “தேர்தல் முடிவுகள் வெளியான பின்னர், மம்தா பானர்ஜி மற்றும் சரத் பவாருடன் தொலைபேசியில் தொடர்பு கொண்டு பேசவுள்ளோம். அதேபோல், காங்கிரஸ் கட்சியுடன் 24ம் தேதி பேசுவோம்” என அவர் கூறியுள்ளார். இதனிடையே, காங்கிரஸ், பாஜக இரண்டு கட்சிகளும் தங்களது கூட்டணியில் உள்ள தலைவர்களை நாளை சந்திக்கவுள்ளனர். காங்கிரஸ் அழைப்பு விடுத்துள்ள கூட்டணியில் மாயாவதி பங்கேற்கமாட்டார் என அக்கட்சியின் சார்பில் ஏற்கனவே தெரிவிக்கப்பட்டுள்ளன.

Advertisement:
Advertisement:
Advertisement:
[X] Close