[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

“அவர்கள் யாருக்கு ஆதரவு என்பது குழந்தைக்குகூட தெரியும்” - வைகைச் செல்வன் 

vaigai-selvan-speech-about-sabanayagar-notice-for-3-admk-mlas

இந்த மூன்று எம்.எல்.ஏக்களும் யாருக்கு ஆதரவாக செயல்படுகிறார்கள் என்பது குழந்தைக்கு கூடத் தெரியும் என அதிமுக செய்தி தொடர்பாளர் வைகைச்செல்வன் கூறியுள்ளார். 

அமமுகவில் எம்எல்ஏக்கள் ரத்தினசபாபதி, கலைச்செல்வன், பிரபு மூவரும் பொறுப்பில் இருப்பதாக கொறடா ராஜேந்திரன் சபாநாயகரிடம் புகார் அளித்திருந்தனர். அந்தப் புகாரின் அடிப்படையில் எம்எல்ஏக்கள் ரத்தினசபாபதி, கலைச்செல்வன், பிரபு ஆகியோரிடம் விளக்கம் கேட்டு சபாநாயகர் தனபால் நோட்டீஸ் அனுப்பியுள்ளார். 7 நாட்களுக்குள் 3 எம்.எல்.ஏக்களும் விளக்கம் அளிக்க வேண்டும் என சபாநாயகர் உத்தரவிட்டுள்ளார்.

இதனிடையே சபாநாயகர் மீது நம்பிக்கையில்லா தீர்மானம் கொண்டுவர பேரவை செயலாளரிடம் திமுக மனு அளித்துள்ளது.

இந்நிலையில், அதிமுகவின் செய்தி தொடர்பாளர் வைகைச்செல்வன் கூறுகையில், “எம்.எல்.ஏக்கள் ரத்தினசபாபதி, பிரபு, கலைச்செல்வன் ஆகியோர் அதிமுகவின் இரட்டை இலை சின்னத்தில் நின்று வென்றவர்கள். ஆனால் இந்தக் கட்சிக்கு எதிராக அமமுகவுடன் இணைந்து அக்கட்சியின் பொறுப்பை பெற்றிருக்கின்றனர். 

மேலும் அமமுகவின் தற்போதைய சின்னமாக இருக்கக்கூடிய பரிசு பெட்டகத்திற்கு வாக்கு வழங்க வேண்டும் என்று இந்த நாடாளுமன்றத் தேர்தலில் பிரச்சாரத்தில் ஈடுபட்டுள்ளனர். இதுபோன்று பல்வேறு விதங்களில் கட்சிக்கு கேடு விளைவிக்கும் வகையிலும் குந்தகம் விளைவிக்கும் வகையிலும் செயல்பட்டிருக்கிறார்கள். எந்தக் கட்சி இவர்களை எம்.எல்.ஏக்கள் ஆக்கியதோ அந்தக் கட்சிக்கு எதிராக செயல்படுகிறார்கள். எனவே அரசு கொறடா அளித்த புகாரின் அடிப்படையில் சபாநாயகர் விளக்கம் கேட்டு நோட்டீஸ் அனுப்பியுள்ளார். 

திமுகவில் இருந்து எம்.எல்.ஏக்கள் மாற்று கட்சிக்கு ஆதரவு அளித்தால் அவர்கள் பார்த்து கொண்டு இருப்பார்களா? அதிமுகவை பலவீனமாக்கும் முயற்சியிலும் அச்சுறுத்துகிற முயற்சியிலும் இந்த 3 எம்.எல்.ஏக்கள் செயல்பட்டு கொண்டிருக்கிறார்கள். இந்த மூன்று எம்.எல்.ஏக்களும் யாருக்கு ஆதரவாக செயல்படுகிறார்கள் என்பது குழந்தைகளுக்கு கூடத் தெரியும்” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close