[X] Close
JUST IN
  • BREAKING-NEWS வரும்காலத்தில் சிறுபான்மை மக்களுக்கு பாஜக அரசு பாதுகாப்பாக இருக்கும் என மோடி பேசியது ஆறுதல்- திருமாவளவன்
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

தினகரன் ஆதரவு எம்.எல்.ஏக்கள் மீது நடவடிக்கையா? சபாநாயகருடன் சி.வி.சண்முகம் திடீர் ஆலோசனை

law-minister-cv-shanmugam-discussed-with-tamilnadu-speaker-dhanapal

சென்னையில் சபாநாயகர் தனபால், சட்டத்துறை அமைச்சர் சி.வி.சண்முகம், அதிமுக கொறடா ராஜேந்திரன் ஆகியோர் ஆலோசனை நடத்தி வருகின்றனர்.

தமிழகத்தில் காலியாக உள்ள 18 சட்டமன்ற தொகுதிகளுக்கு நாடாளுமன்ற தேர்தலுடன் சேர்த்து இடைத்தேர்தல் நடைபெற்றது. மேலும், மீதமுள்ள திருப்பரங்குன்றம் உள்ளிட்ட 4 சட்டமன்ற தொகுதிகளுக்கும் வருகின்ற மே 19ம் தேதி தேர்தல் நடைபெறவுள்ளது. மொத்தம் இந்த 21 தொகுதிகளுக்கான வாக்கு எண்ணிக்கை மே 23ம் தேதி நாடாளுமன்ற தேர்தலுடன் சேர்த்தே நடைபெறுகிறது. 

இந்த இடைத்தேர்தலுக்கான முடிவுகளின் அடிப்படையில் ஆட்சி மாற்றமே நடைபெற வாய்ப்புள்ளதாக அரசியல் வட்டாரங்களில் பேசப்பட்டு வருகிறது. திமுக தலைவர் ஸ்டாலினும் இதனை தொடர்ச்சியாக வலியுறுத்தி வருகிறார். அதனால், தன்னுடைய ஆட்சியை தக்க வைக்க முதல்வர் எடப்பாடி தலைமையிலான அரசு குறிப்பிட்ட சில எம்.எல்.ஏக்களை வென்றாக வேண்டிய கட்டாயத்தில் உள்ளது. அதனால்தான், கூட்டணி கட்சிகளை தவிர்த்துவிட்டு ஒட்டுமொத்தமாக அனைத்து தொகுதிகளிலும் திமுக, அதிமுக தனித்து போட்டியிடுகின்றன.

                                    

இந்நிலையில், சென்னையில் சபாநாயகர் தனபால், சட்டத்துறை அமைச்சர் சி.வி.சண்முக, அதிமுக கொறடா ராஜேந்திரன் ஆகியோர் ஆலோசனை நடத்தி வருகின்றனர். தலைமை செயலகத்தில் நடைபெற்று வரும் இந்த சந்திப்பில் டிடிவி ஆதரவு எம்.எல்.ஏ.க்கள் பிரபு, ரத்தின சபாபதி, கலைச்செல்வன் ஆகியோர் மீது நடவடிக்கை எடுப்பது குறித்து ஆலோசிக்கப்படுவதாக தெரிகிறது. 

வழக்கமாக ஒரு எம்.எல்.ஏவை தகுதி நீக்கம் செய்ய வேண்டுமென்றால் அவருக்கு சபாநாயகர் நோட்டீஸ் அனுப்பி விளக்கம் கேட்க வேண்டும். கடிதம் மூலமாகவோ நேரிலோ 15 நாட்களுக்குள் சம்பந்தப்பட்டவர்கள் விளக்கம் அளிக்க வேண்டும். அதன்படி, டிடிவி தினகரன் ஆதரவு எம்.எல்.ஏக்களுக்கு நோட்டீஸ் அனுப்ப வாய்ப்புள்ளதாக தெரிகிறது.

                          

டிடிவி தினகரன் ஆதரவு அதிமுக எல்.எல்.ஏக்களுக்கு நோட்டீஸ் அனுப்ப கொறடா ராஜேந்திரன் கடந்த ஆண்டு பரிந்துரை அளித்ததாக தகவல் வெளியானது குறிப்பிடத்தக்கது.

Advertisement:
Advertisement:
Advertisement:
[X] Close