[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

“ராகுல் காந்திக்கு இந்திய குடியுரிமை இருக்கிறதா?” - பாஜக கேள்வி

bjp-raises-questions-over-rahul-gandhi-s-citizenship-and-educational-qualifications

ராகுல் காந்தியின் குடியுரிமை மற்றும் கல்வித் தகுதி குறித்து பாஜக கேள்வி எழுப்பியுள்ளது. 

நாடாளுமன்றத் தேர்தலுக்கான இரண்டாம் கட்ட வாக்குப் பதிவு நிறைவடைந்துள்ளது. இன்னும், 5 கட்டங்களாக தேர்தல் நடைபெறவுள்ளது. அதற்காக அரசியல் தலைவர்கள் தீவிர பிரச்சாரத்தில் ஈடுபட்டு வருகின்றனர். ஒருவர் மீது ஒவர் விமர்சனங்களையும், கேள்விகளையும் சரமாரியாக முன் வைத்து வருகின்றனர்.

இந்நிலையில், பாஜக செய்தி தொடர்பாளர் நரசிம்ம ராவ், ராகுல் காந்தியின் கல்வித் தகுதி மற்றும் இந்திய குடியுரிமை குறித்து கேள்வி எழுப்பியுள்ளார். இதுதொடர்பாக அவர் கூறுகையில், “வேட்பு மனு தொடர்பாக அமேதி தேர்தல் அதிகாரி எழுப்பிய கேள்விகளுக்கு ராகுல் காந்தியும், அவரது வழக்கறிஞர் ராகுல் கவுஷிக்கும் விளக்கம் அளிக்க முடியவில்லை. இது மிகவும் அதிர்ச்சி அளிக்கிறது.

ராகுல் காந்தி முதலீடு செய்த பேக்கப்ஸ் லிமிடெட் நிறுவனத்திற்கான 2005 ஆவணங்களின்படி, அவர் பிரிட்டன் குடியுரிமை பெற்றவர் என்பதை தெளிவாக காட்டுகிறது. அவர் பிரிட்டன் குடிமகனாக இருக்கும் பட்சத்தில் தானாகவே இந்திய குடியுரிமையை இழந்துவிடுகிறார்” என்றார்.

                             

கல்வித் தகுதி குறித்து கேள்வி எழுப்புகையில், “2009 மற்றும் 2014ம் ஆண்டுகளில் தாக்கல் செய்த வேட்பு மனுவில் முரண்பட்ட தகவல்கள் இடம்பெற்றுள்ளன. 1994ம் ஆண்டு புளோரிடாவில் உள்ள ரோல்லின்ஸ் கல்லூரியி பி,ஏ முடித்ததாக 2009ம் ஆண்டு தாக்கல் செய்த வேட்பு மனுவில் குறிப்பிட்டுள்ளார். அதேபோல், டிரினிடி கல்லூரியில் எம்.பிஃல் டெவலப்மெண்ட் எக்னாமிக்ஸ் (Development Economics) படித்ததாக குறிப்பிட்டுள்ளார். ஆனால், 2014ம் ஆண்டு வேட்பு மனுவில் எம்.பிஃல் டெவலப்மெண்ட் ஸ்டெடிஸ்(Development Studies) முடித்ததாக குறிப்பிட்டுள்ளார்” என்று ராவ் கூறினார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close