[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

“இரண்டாம் கட்ட தேர்தலுக்கு பின் எதிர்க்கட்சிகள் பயத்தில் உள்ளன” - பிரதமர் மோடி

lok-sabha-election-congress-has-no-vision-for-nation-said-pm-modi

மக்களவைக்கு இரண்டுகட்ட தேர்தல் முடிந்துள்ள நிலையில், எதிர்க்கட்சிகள் பயந்துபோய் இருப்பதாக பிரதமர் மோடி தெரிவித்துள்ளார்.

பிரதமர் மோடி இன்று காலை மேற்கு வங்க மாநிலம் தெற்கு தினாஜ்பூர் மாவட்டம் புனியாத்பூரில் நடைபெற்ற பொதுக்கூட்டத்தில் பங்கேற்று வாக்குச் சேகரித்தார். அப்போது மேற்கு வங்க மாநில முதல்வர் மம்தா பானர்ஜி தோல்வி பயத்தில் தூக்கமின்றி தவித்து வருவதாக தெரிவித்தார். 

மேலும், மேற்குவங்க மக்களின் வளர்ச்சிக்கு தடையாக மம்தா பானர்ஜி உள்ளதாவும் குற்றஞ்சாட்டினார். சிறுபான்மையின மக்களை திருப்திபடுத்துவதற்காக திரிணாமுல் காங்கிரஸ் கட்சியினர், அண்டை நாடுகளில் உள்ளவர்களை அழைத்து பிரச்சாரம் மேற்கொள்ள செய்வது அவமானத்திற்குரிய செயலாகும் என மோடி விமர்சித்தார். 

பால்கோட் பகுதியில் நமது தைரியமிக்க வீரர்கள் பயங்கரவாதிகளை அழித்ததற்கு ஆதாரங்களைக் கேட்கும் மம்தா பானர்ஜி, முதலில் சிட்ஃபண்ட் ஊழலில் தொடர்புடையவர்கள் குறித்த ஆதாரங்களை வெளியிடட்டும் எனக் கூறினார். 

இதைத்தொடர்ந்து பீகார் மாநிலத்திற்குச் சென்ற பிரதமர் மோடி, அராரியா மாவட்டத்தில் வாக்குச் சேகரித்தார். அங்கு பேசிய அவர், காங்கிரஸ் கட்சி தேசத்தின் மீது அக்கறைக் கொள்ளாமல், வாக்கு வங்கியை அதிகரிப்பதிலேயே குறியாக உள்ளதாக குற்றஞ்சாட்டினார். 

மேலும், வாக்குகளைப் பெறுவதற்கான பக்தி மற்றும் தேச நலனுக்கான பக்தி என நாட்டில் இரண்டு விதமான சூழல் நிலவுவதாகத் தெரிவித்துள்ள மோடி, மும்பை பயங்கரவாத தாக்குதலுக்கு, அப்போது ஆட்சியில் இருந்த காங்கிரஸ் கட்சி பாகிஸ்தானுக்கு பதிலடி கொடுக்கவில்லை எனக் குற்றஞ்சாட்டினார்.

Advertisement:
Advertisement:
Advertisement:
[X] Close