[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

“மோடி கேமரா வைச்சிருக்கார், ஓட்டு போடவில்லைனா கண்டுபிடிச்சுருவாரு” பாஜக தலைவர் பேச்சு

bjp-mla-says-pm-modi-has-installed-cameras-in-poll-booths-will-know-if-vote-not-cast-for-bjp

பிரதமர் நரேந்திர மோடி வாக்குச் சாவடிகளில் கேமராக்கள் பொருத்தி இருக்கிறார், காங்கிரஸுக்கு வாக்களித்தால் தெரிந்துவிடும் என்று பாஜக தலைவர் ஒருவர் பேசியுள்ளார். 

நாடாளுமன்ற தேர்தலுக்கான முதல்கட்ட வாக்குப் பதிவு முடிந்துள்ள நிலையில், மீதமுள்ள 6 கட்டங்களுக்கு தேர்தல் நடைபெறவுள்ளது. இந்த தேர்தலுக்காக அரசியல் தலைவர்கள் சூறாவளி சுற்றுப் பயணம் மேற்கொண்டு பிரச்சாரம் மேற்கொண்டு வருகின்றனர். அப்படி தலைவர்கள் பேசுவது பல நேரங்களில் வைரல் ஆனது.

அந்தவகையில், குஜராத் மாநிலத்தில் பாஜக எம்.எல்.ஏ ரமேஷ் கட்டாரா, “பிரதமர் மோடி வாக்குச் சாவடிகளில் கேமிராக்கள் பொருத்தி இருக்கிறார். காங்கிரஸுக்கு வாக்களித்தால் தெரிந்துவிடும்” என்று பேசியுள்ளார். சிறிய மக்கள் கூட்டத்தின் நடுவே அவர் பேசுகையில், “பாஜக வேட்பாளர் ஜஷ்வந்த் சிங் பபோர் புகைப்படமும், அருகில் தாமரை சின்னமும் மின்னணு வாக்குப் பதிவு இயந்திரத்தில் இருக்கும். அதனை பார்த்து பட்டனை அழுத்த வேண்டும். அதில் தப்பு நடந்திடக் கூடாது. ஏனெனில் மோடி வாக்குச் சாவடிகளில் கேமராக்கள் பொருத்தி இருக்கிறார்.

அந்த கேமிரா மூலம் யார் பாஜகவுக்கு வாக்களிக்கிறார்கள், யார் காங்கிரஸ் கட்சிக்கு வாக்களிக்கிறார்கள் என்பது தெரியும். ஆதார் அட்டை உள்ளிட்ட அடையாள அட்டைகளில் உங்களுடைய புகைப்படம் உள்ளது. உங்கள் பூத்தில் இருந்து வாக்குகள் குறைவாக கிடைத்திருந்தால், யாரெல்லாம் வாக்களிக்கவில்லை என்பது அவருக்கு தெரிந்துவிடும். அதேபோல், உங்களுக்கு வேலையும் கிடைக்காது. அரசின் எந்த உதவி திட்டங்களும் கிடைக்காது” என்று கூறினார்.

            

பாஜக வேட்பாளர் ஜஷ்வந்த் தற்போது அந்த தொகுதி (தஹோத்) எம்.பி ஆக உள்ளார். பாஜக எம்.எல்.ஏவின் பேச்சுக்கு எதிராக எதிர்க்கட்சி தலைவர்கள் கருத்து தெரிவித்து வருகின்றனர். 

Advertisement:
இது தொடர்பான செய்திகள் :
Advertisement:
Advertisement:
[X] Close