[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

“வருமான வரித்துறையினர் வீண்பழி சுமத்துகின்றனர்” - துரைமுருகன் குற்றச்சாட்டு

dmk-treasurer-duraimurugan-clarifies-the-intention-of-it-raids-in-his-house

தங்கள் வீட்டில் ஏதாவது பொருட்களை வைத்துவிட்டு புதிதாக கண்டுபிடிப்பதுபோல் வீண்பழி சுமத்துவதாக திமுக பொருளாளர் துரைமுருகன் குற்றம்சாட்டியுள்ளார்.

திமுக பொருளாளர் துரைமுருகனின் மகன் கதிர் ஆனந்த் வேலூர் மக்களவைத் தொகுதியில் திமுக சார்பில் போட்டியிடுகிறார். வேலூர் மாவட்டம் காட்பாடி - காந்திநகரில் உள்ள துரைமுருகனின் வீட்டில் வருமான வரித்துறை மற்றும் தேர்தல் பறக்கும் படையினர் சோதனை நடத்தினர். மேலும் துரைமுருகன் மகன் கதிர் ஆனந்துக்குச் சொந்தமான பொறியியல் கல்லூரியிலும் அவரது பண்ணை வீட்டிலும் சோதனை நடைபெற்றது. இந்த சோதனையில் ரூ.10 லட்சம் கைப்பற்றப்பட்டதாக கூறப்பட்டது. இந்தச் சோதனைக்கு அரசியல் கட்சி தலைவர்கள் பலர் கண்டனம் தெரிவித்தனர். 

இந்நிலையில் தன் வீட்டில் நடைபெற்ற சோதனை குறித்து துரை முருகன் அறிக்கை வெளியிட்டுள்ளார். அதில் அவர், “தேர்தலில் வெற்றி தோல்வியடைவது சகஜம். அத்துடன் அரசியலில் எதிரும் புதிருமாக நிற்பவர்கள் கருத்துபோர் புரிவது உண்டு. ஆனால் எதிர்த்து நிற்பவரை தனிப்பட்ட முறையில் பழிவாங்க நினைப்பதும், வீண்பழி சுமத்தி அவமானத்திற்கு உள்ளாக்க முயற்சிப்பதும் தற்போது ஆளும் கட்சி தரப்பில் செய்யப்பட்டுவருகிறது. அவ்வாறு நடத்தப் பட்டது தான் என் மகன் கதிர் ஆனந்த மற்றும் என்னுடைய வீட்டில் நடந்த வருமான வரி சோதனை. 

                         

அத்துடன் மத்திய-மாநில அரசுகள் தங்களின் நடவடிக்கைகள் மூலம் எங்களைச் சுற்றி ஒரு கண்காணிப்பு வளையத்தையே உருவாக்கி எங்களை கண்காணித்து வருகின்றனர். மேலும் மத்திய மாநில அரசுகள் இன்னும் சில செயல்களில் ஈடுபடபோவதாக எங்களுக்கு தகவல்கள் வந்து கொண்டிருக்கின்றன. எங்கள் வீடு மற்றும் கல்லூரிகளில் நடைபெற்ற சோதனையில் சட்டத்திற்கு புறம்பான எந்தவொரு பொருளும் கைப்பற்றப்படவில்லை.

                     

இதனால் அவர்களாகவே ஏதாவது பொருட்களை வைத்துவிட்டு புதியாதாக கண்டுபிடித்து எங்கள் மீது வீண்பழி சுமத்தி வருகின்றனர். இதன்மூலம் கதிர் ஆனந்தின் வெற்றியை சீர் குலைத்து விடலாம் என்று இந்த அரசுகள் நம்புகின்றன. அரசின் இத்தகைய போக்கு ஜனநாயகத்திற்கு புறம்பானது மட்டுமல்ல அதையும் கடந்த பாசிச முறையாகும்” எனக் குறிப்பிட்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close