[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

“குற்ற வழக்குகள் என்பதற்கு பதிலாக அவ்வாறு பதிவிட்டேன்” - தமிழிசை விளக்கம்

tamilisai-explain-about-her-twitter-status-and-replied-to-karunas

நான் கற்றப்பரம்பரை, குற்றப்பரம்பரை அல்ல எனப் பதிவிட்டது எந்த உள்நோக்கத்துடனும் இல்லை என தமிழக பாஜக தலைவரும் தூத்துக்குடி பாஜக வேட்பாளருமான தமிழிசை சவுந்திரராஜன் விளக்கம் அளித்துள்ளார்.

நான் கற்றப்பரம்பரை, குற்றப்பரம்பரை அல்ல என பாஜக தலைவர் தமிழிசை சவுந்திரராஜன் தனது ட்விட்டர் பக்கத்தில் தெரிவித்திருந்தார். இதுகுறித்து அறிக்கை வெளியிட்ட எம்.எல்.ஏ கருணாஸ், தமிழிசை சவுந்திரராஜனை கடுமையாக விமர்சித்தார். அவர் அறிக்கையில், “குற்றப்பரம்பரை என்பது அன்றைய ஆங்கிலேய அரசு குறிப்பிட்ட மக்களை முடக்குவதற்காக பயன்படுத்திய ஒடுக்குமுறை சொல்லாடல். அதை தன்னுடைய தொகுதியில் தேர்தலுக்காக, குறிப்பிட்ட சாதியினரை அவமானப்படுத்தும் விதமாக அச் சொல்லாடலை பயன்படுத்தியது ஏன்? வேட்பு மனுவையே சரிவர நிரப்ப தெரியாத நீங்கள் கற்றப்பரம்பரையா? ஓட்டு வாங்குவதற்காகவே இத்தனை நாள் இல்லாமல் இப்போது ஊரெல்லாம் சுவரொட்டி வழியாக நான் நாடார் என்று அறிவிப்பு செய்வது ஏன்? தேர்தல் பயத்தில் குற்றப் பரம்பரை எனத் தேவர் சமூகத்தை சீண்டி நாடார், தேவர் சமூகத்திற்குள் கலவரம் தூண்ட முயற்சி செய்கிறீர்களா? நீங்கள் தமிழர் உரிமைகளை மட்டுமின்றி; ஒட்டு மொத்த இந்தியாவையே அந்நியர்களுக்கு விற்றப் பரம்பரை என்பதை நாட்டு மக்கள் அறிவார்கள்” என சாடியிருந்தார்.

இந்நிலையில் நான் கற்றப்பரம்பரை, குற்றப்பரம்பரை அல்ல எனப் பதிவிட்டது எந்த உள்நோக்கத்துடனும் இல்லை என தமிழக பாஜக தலைவரும் தூத்துக்குடி பாஜக வேட்பாளருமான தமிழிசை சவுந்திரராஜன் விளக்கம் அளித்துள்ளார். இன்று செய்தியாளர்களிடம் பேசிய அவர், “தம் மீது குற்றவழக்குகள் ஏதும் இல்லை என்பதை தெளிவுபடுத்தவே அவ்வாறு பதிவிட்டேன். வருமான வரி மற்றும் ஊழல் வழக்குகளில் சிறை சென்றது போன்ற எந்தக் குற்றங்களும் என்மேல் இல்லை. ஆனால் எதிர் வேட்பாளர் எல்லா குற்றங்களையும் வைத்து கொண்டு என்னை குறை கூறினார்கள். 

மருத்துவ துறையில் நேர்மையாக இருக்க எனக்கு கற்றுக்கொடுத்தவர் என் கணவர். அவர்களை பற்றி இப்படி தவறாக கூறும்போது அப்படிபட்டவர்கள் இல்லை என்பதை பதிவு செய்வதற்கு குற்ற வழக்குகள் என்று கூறுவதற்கு பதிலாக அவ்வாறு பதிவிட்டேன். எந்த உள்நோக்கத்துடனும் பதிவு செய்யப்படவில்லை. தயவுசெய்து இதைவைத்து சில தவறான கருத்துக்களையும் விமர்சனங்களையும் முன்வைக்க வேண்டாம். பிரிவினையை ஏற்படுத்த வேண்டும் என்ற எண்ணம் துளியும் என்னிடம் இல்லை” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close