[X] Close
JUST IN
  • BREAKING-NEWS நாடாளுமன்ற குளிர்கால கூட்டத்தொடர் நவம்பர் 18ஆம் தேதி தொடங்கவுள்ளதாக தகவல்
  • BREAKING-NEWS என்னைக் கைது செய்தால் கவலைப்படமாட்டேன்; ஆனால் ராஜிவ்காந்தியை ஆதரித்தவர்களை நான் கைது செய்வேன் - சீமான்
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

இறுதியானது அதிமுக கூட்டணி - த.மா.காவுக்கு ஒரு தொகுதி ஒதுக்கீடு

g-k-vasan-alliance-with-admk

மக்களவைத் தேர்தலில் அதிமுக கூட்டணியில் தமிழ் மாநில காங்கிரஸ் கட்சிக்கு ஒரு தொகுதி ஒதுக்கீடு செய்யப்பட்டுள்ளது.

மக்களவைத் தேர்தலையொட்டி கூட்டணி அமைக்கும் முயற்சியில் தமிழகத்தின் பிரதான கட்சிகளான அதிமுகவும், திமுகவும் ஈடுபட்டன. இதில், திமுகவை காட்டிலும் தொடக்கத்தில் அதிமுக வேகமாக செயல்பட்டதாக கூறப்பட்டது. அதாவது பாமகவுக்கு 7, பாஜகவுக்கு 5 தொகுதிகள் என அடுத்தடுத்து கூட்டணியை அதிமுக உறுதி செய்தது. ஆனால், தேமுதிகவின் நிலைப்பாட்டால் அதிமுக கூட்டணி இறுதி வடிவம் பெறாமல் இருந்து வந்தது. இதனிடையே, கூட்டணி கட்சிகளுக்கு 20 தொகுதி ஒதுக்கி தானும் 20 தொகுதிகளில் போட்டியிடுவதாக திமுக அதிகாரப்பூர்வமாக அறிவித்தது.

இதனிடையே, தேமுதிக உடனான உடன்பாடு இழுபறியில் இருந்த நிலையில், கடந்த மார்ச் 10ம் தேதி அக்கட்சிக்கு 4 தொகுதிகள் ஒதுக்கி அதிமுக கூட்டணியை உறுதி செய்தது. இருப்பினும், தமிழ் மாநில காங்கிரஸ் கட்சியால் அதிமுக கூட்டணி முடிவுக்கு வராமல் இருந்து வந்தது.   

இந்நிலையில், சென்னையில் உள்ள தனியார் விடுதியில் அதிமுக தமாகா இடையே இன்று மீண்டும் பேச்சுவார்த்தை நடைபெற்றது. இந்தப் பேச்சுவார்த்தையில் உடன்பாடு எட்டப்பட்டது.

அதிமுக கூட்டணியில் தமிழ் மாநில காங்கிரஸ் கட்சிக்கு ஒரு தொகுதி ஒதுக்கீடு செய்யப்பட்டுள்ளதாக அக்கட்சியின் ஒருங்கிணைப்பாளர் பன்னீர்செல்வம் அறிவிப்பு வெளியிட்டுள்ளார். இதற்கான கூட்டணி ஒப்பந்தத்தில் பன்னீர்செல்வம், எடப்பாடி பழனிசாமி, ஜி.கே.வாசன் ஆகியோர் கையொப்பமிட்டனர். இதன்மூலம் அதிமுக 20 தொகுதிகளிலும் கூட்டணி கட்சிகள் 20 தொகுதிகளிலும் போட்டியிட உள்ளன. 

அதிமுக கூட்டணி நிலவரம்:-

அதிமுக - 20 தொகுதிகள்
பாமக   - 7 தொகுதிகள்
பாஜக   - 5 தொகுதிகள்
தேமுதிக - 4 தொகுதிகள்
புதிய தமிழகம் - 1 தொகுதி 
புதிய நீதிக்கட்சி - 1 தொகுதி 
தமாகா - 1 தொகுதி 
என்.ஆர்.காங்கிரஸ் - 1 தொகுதி 

Advertisement:
இது தொடர்பான செய்திகள் :
Advertisement:
Advertisement:
[X] Close