[X] Close
JUST IN
  • BREAKING-NEWS இந்தியாவின் முதல் லோக்பால் அமைப்பின் தலைவராக ஓய்வுபெற்ற நீதிபதி பினாக்கி சந்திரகோஷ் நியமனம்
  • BREAKING-NEWS மக்களவை தேர்தல், இடைத்தேர்தலுக்கான பரப்புரையை நாளை திருவாரூரில் தொடங்கும் நிலையில், திருவாரூர் சன்னதி தெருவில் உள்ள இல்லத்தில் கீழ்வேளூர், திருத்துறைப்பூண்டி சட்டமன்ற தொகுதி நிர்வாகிகளுடன் மு.க.ஸ்டாலின் ஆலோசனை
  • BREAKING-NEWS மக்களவை தேர்தல், 18 தொகுதி சட்டமன்ற இடைத்தேர்தலுக்கு மக்கள் நீதி மய்யத்துடன் கூட்டணி அமைத்துள்ளோம் மக்களவை தேர்தலில் 1 தொகுதி, இடைத்தேர்தலில் 3 தொகுதிகளில் இந்திய குடியரசுக் கட்சி போட்டி - சே.கு. தமிழரசன் (இந்திய குடியரசுக் கட்சி)
  • BREAKING-NEWS பாதுகாப்பு படைகளை வைத்து அரசியல் செய்ய வேண்டாம் - கட்சித்தலைவர்கள், வேட்பாளர்களுக்கு அறிவுறுத்தும்படி அரசியல் கட்சிகளுக்கு மீண்டும் தேர்தல் ஆணையம் கடிதம்
  • BREAKING-NEWS மக்களவை தேர்தல், சட்டமன்ற இடைத்தேர்தலில் மக்கள் நீதி மய்யம் கட்சியின் சார்பில் போட்டியிடும் வேட்பாளர்கள் பட்டியலை நாளை மதியம் 2 மணிக்கு வெளியிடுகிறார் கமல்ஹாசன்
  • BREAKING-NEWS பொள்ளாச்சி பாலியல் கொடூர வழக்கில் கைதான திருநாவுக்கரசு, சபரிராஜன், சதீஷ், வசந்தகுமார் ஆகியோரின் காவலை ஏப்ரல் 2 வரை நீட்டித்தது பொள்ளாச்சி நீதிமன்றம்
  • BREAKING-NEWS நீதிபதி கண்முன்னே மனைவியை கத்தியால் குத்திய கணவன்! மருத்துவமனையில் மனைவிக்கு சிகிச்சை!

“திருப்பரங்குன்றம் தேர்தல் வழக்கை திரும்ப பெறுகிறேன்” - திமுக சரவணன் மனு

dmk-candidate-doctor-saravanan-said-ready-to-withdraw-case-on-against-thiruparankundram-election

திருப்பரங்குன்றத்துக்கு இடைத்தேர்தல் நடத்தக்கோரி தேர்தல் ஆணையத்துக்கு திமுகவைச் சேர்ந்த சரவணன் கடிதம் எழுதியுள்ளார். 

திருப்பரங்குன்றம் இடைத்தேர்தலை நடத்தக் கோரி, தலைமைத் தேர்தல் ஆணையம், தமிழக தலைமைத் தேர்தல் அதிகாரிக்கு திமுக சார்பில் போட்டியிட்ட மருத்துவர் சரவணன் மனு அளித்துள்ளார். ‘தேர்தல் நடத்த வேண்டாம் என நீதிமன்றம் குறிப்பிடவில்லை. வழக்குகள் நிலுவையில் இருந்தபோதே பல தொகுதிகளில் இதற்குமுன் தேர்தல் நடந்துள்ளன. திருப்பரங்குன்றம் தொகுதி மக்களின் நலன் கருதி அந்தத் தொகுதிக்கு இடைத்தேர்தல் நடத்த வேண்டும்’ என்று அந்த மனுவில் சரவணன் குறிப்பிட்டுள்ளார்.

              

இதுதொடர்பாக புதியதலைமுறைக்கு அவர் அளித்த பேட்டியில், “வழக்கு நிலுவையில் இருப்பதால் இடைத்தேர்தல் நடத்தவில்லை என்பதை செய்திகள் மூலம் அறிந்தேன். நேற்று தேர்தல் அதிகாரி பேசுகையில், ஓட்டபிடாரம் தொகுதியில் டாக்டர் கிருஷ்ணசாமி தொடர்ந்த வழக்கு வாபஸ் பெறப்படும் பட்சத்தில் தேர்தல் நடத்தப்படும் என்று கூறியிருந்தார். அதனால், திமுக தலைவர் ஸ்டாலின் வேண்டுகோளின்படி, நான் தொடர்ந்த வழக்கை வாபஸ் பெற எனது தரப்பு வழக்கறிஞர் மனு அளித்துவிட்டார்” என்று கூறியுள்ளார். 

மக்களவைத் தேர்தலுடன் சேர்த்து, தமிழகத்தில் காலியாக உள்ள சட்டசபை தொகுதிகளுக்கும் தேர்தல் நடத்தப்படும் என்று தலைமைத் தேர்தல் ஆணையர் சுனில் அரோரா நேற்று தன்னுடைய அறிவிப்பில் தெரிவித்தார். அதனால், காலியாகவுள்ள 21 தொகுதிகளுக்கும் சேர்த்து இடைத்தேர்தல் நடத்தப்படும் என்று கருதப்பட்டது. 

            

ஆனால், 18 தொகுதிகளுக்கு மட்டும் இடைத்தேர்தல் நடத்தப்படும் என்றும் திருப்பரங்குன்றம், அரவக்குறிச்சி, ஓட்டபிடாரம் ஆகிய 3 தொகுதிகளுக்கு வழக்கு நிலுவையில் உள்ளதால் தேர்தல் கிடையாது என்று தமிழக தலைமை தேர்தல் அதிகாரி சாஹூ தெரிவித்தார். அதிமுக எம்.எல்.ஏ போஸின் வெற்றிக்கு எதிராக தொடரப்பட்ட வழக்கை திரும்ப பெறுவதாக திருப்பரங்குன்றத்தில் திமுக சார்பில் போட்டியிட்ட மருத்துவர் சரவணன் இந்திய தேர்தல் ஆணையம் மற்றும் மாநிலத் தலைமை  தேர்தல் அதிகாரியிடம் மனு அளித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close