[X] Close
JUST IN
  • BREAKING-NEWS ஆயுள் தண்டனையை நிறுத்தி வைக்கக்கோரி பேரறிவாளன் தாக்கல் செய்த மனுவை விசாரணைக்கு ஏற்றது உச்சநீதிமன்றம்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்
  • BREAKING-NEWS சென்னையில் சாலைகளில் தேங்கியுள்ள மழைநீரால் வாகன ஓட்டிகள் அவதி
  • BREAKING-NEWS சென்னையில் பள்ளிகள் வழக்கம்போல இயங்கும் : மாவட்ட ஆட்சியர்

“உணர்வுபூர்வமாக சபரிமலை விவகாரத்தை பேசக் கூடாது” - தேர்தல் அதிகாரி எச்சரிக்கை

kerala-chief-electoral-officer-warns-against-using-sabarimala-issue-during-lok-sabha-election-campaign

மக்களவைத் தேர்தல் பிரச்சாரத்தின் போது சபரிமலை விவகாரத்தை பேசக்கூடாது என்று கேரள தலைமை தேர்தல் அதிகாரி எச்சரிக்கை விடுத்துள்ளார். 

17வது மக்களவைத் தேர்தலுக்கான அறிவிப்பு நேற்று வெளியானது. ஏப்ரல் 11ம் தேதி தொடங்கி மே 19ம் தேதி வரை 7 கட்டங்களாக இந்தத் தேர்தல் நடைபெறவுள்ளது. தமிழகத்தில் ஏப்ரல் 18ம் தேதி ஒரே கட்டமாக தேர்தல் நடைபெறுகிறது. அதேபோல், கேரள மாநிலத்தில் ஏப்ரல் 23ம் தேதி நடைபெறும் என்று அறிவிக்கப்பட்டுள்ளது. வாக்கு எண்ணிக்கை மே23ம் தேதி நடைபெறவுள்ளது.

        

இந்நிலையில், உணர்வுபூர்வமான சபரிமலை விவகாரத்தை தேர்தல் பிரச்சாரத்தில் போது பேசக் கூடாது என்று அரசியல் கட்சி தலைவர்களுக்கு கேரள தலைமை தேர்தல் அதிகாரி டி.ஆர்.மீனா எச்சரிக்கை விடுத்துள்ளார். சபரிமலை விவகாரத்தை பேசி மத உணர்வுகளை தூண்டிவிட்டால் கடுமையான நடவடிக்கை எடுக்கப்படும் என்று அவர் கூறியுள்ளார். சபரிமலை விவகாரத்தை தேர்தல் பிரச்சாரத்தில் பேசுவது தேர்தல் நடத்தை விதிமீறல் என்று அதிகாரி குறிப்பிட்டுள்ளார். தேர்தல் அறிவிப்பு நேற்று வெளியாகி இருந்த நிலையில், தேர்தல் அதிகாரி இன்று இந்த எச்சரிக்கையை விடுத்துள்ளார்.

              

முன்னதாக, சபரிமலை ஐயப்பன் கோயிலுக்கு அனைத்து வயது பெண்களும் செல்லலாம் என்று கடந்த ஆண்டு செப்டம்பர் 28ம் தேதி உச்சநீதிமன்றம் தீர்ப்பு அளித்தது. ஆனால், சபரிமலையில் அனைத்து வயது பெண்களும் செல்வது எதிர்ப்பு தெரிவித்து பல்வேறு தரப்பினர் போராட்டத்தில் ஈடுபட்டனர். அதனால், சபரிமலை பகுதியில் டிசம்பர் மாதம் முழுவதும் பதட்டமான சூழல் காணப்பட்டது. 

Advertisement:
இது தொடர்பான செய்திகள் :
Advertisement:
Advertisement:
[X] Close