[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

“அதிமுக நலத்திட்டங்கள் பிரேமலதாவிற்கு தெரியும்” - செல்லூர் ராஜூ

sellur-raju-replyed-to-premalatha

தமிழகத்திற்கு அதிமுக செய்த நலத்திட்டங்கள் பொதுமக்களுக்கும், தேமுதிக பொருளாளர் பிரேமலதாவிற்கும் தெரியும் என கூட்டுறவுத்துறை அமைச்சர் செல்லூர் கே.ராஜூ தெரிவித்துள்ளார். 

நேற்று செய்தியாளர்களை சந்தித்த தேமுதிக பொருளாளர் பிரேமலதா, தனித்துப் போட்டியிட தேமுதிக எப்போதும் பயந்ததில்லை எனவும் தனித்துப் போட்டியிடும் ஃபார்முலாவை தமிழகத்தில் உருவாக்கியதே தேமுதிக தான் எனவும் தெரிவித்தார். மேலும், சட்டப்பேரவையில் ஜெயலலிதாவை எதிர்த்து கேள்வி எழுப்பியவர் விஜயகாந்த் எனவும் 37 தொகுதிகளில் அதிமுக ஜெயித்து தமிழகத்திற்கு என்ன நன்மை கிடைத்தது என்றும் கேள்வி எழுப்பினார்.

இந்நிலையில், மதுரையில் செய்தியாளர்களை சந்தித்த கூட்டுறவுத்துறை அமைச்சர் செல்லூர் ராஜூ, “அதிமுகவின் 37 எம்.பி.களால் தான் காவிரி பிரச்சனைக்கு தீர்வு காணப்பட்டு வருகிறது. அதிமுக எம்.பிகள் 37 பேர் இருந்ததால் தான் காவிரி பிரச்சனைக்காக 47 நாட்கள் நாடாளுமன்றத்தில் போராட்டம் நடத்தினர். 

தமிழகத்திற்கு அதிமுக செய்த திட்டங்கள் நாட்டு மக்களுக்கு தெரியும். பிரேமலதா எதை வைத்து பேசுகின்றார் எனத் தெரியவில்லை. எந்த நோக்கத்தில் எந்தக் கருத்தில் பிரேமலதா பேசினார் என்பது தெரிவில்லை. இலை, பூ, கனி சேர்ந்து வெற்றி முரசு கொட்டும்” எனத் தெரிவித்தார்.   
 

Advertisement:
Advertisement:
Advertisement:
[X] Close