[X] Close
JUST IN
  • BREAKING-NEWS மாநிலங்களவை திமுக குழு தலைவராக திருச்சி சிவாவும், மாநிலங்களவை திமுக கொறடாவாக டி.கே.எஸ்.இளங்கோவனும் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை குழு துணை தலைவராக கனிமொழி, பொருளாளராக எஸ்.எஸ்.பழனிமாணிக்கம் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை கொறடாவாக முன்னாள் மத்திய அமைச்சர் ஆ.ராசா தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS சென்னையில் நடைபெற்ற திமுக நாடாளுமன்ற உறுப்பினர்களின் ஆலோசனை கூட்டத்தில், திமுக மக்களவை குழு தலைவராக டி.ஆர்.பாலு எம்.பி. தேர்வு
  • BREAKING-NEWS சென்னை அசோக் நகரில் உள்ள தலைமையகத்தில் டிடிவி தினகரன் தலைமையில், ஜூன் 1ம் தேதி காலை 10 மணிக்கு அமமுக நிர்வாகிகள் ஆலோசனை கூட்டம் நடைபெறுகிறது
  • BREAKING-NEWS மக்களவை தேர்தலில் மக்கள் அளித்த தீர்ப்பை ஏற்கிறோம்; மத்தியில் ஆக்கப்பூர்வமான எதிர்க்கட்சியாக தொடர்ந்து செயல்படுவோம் - காங்கிரஸ் செய்தித்தொடர்பாளர் ரந்தீப் சுர்ஜிவாலா
  • BREAKING-NEWS காங்கிரஸ் கட்சியின் தலைவராக ராகுல் காந்தியே நீடிப்பார் என செயற்குழு கூட்டத்தில் தீர்மானம் நிறைவேற்றம்

விஜயகாந்தை அவரது இல்லத்தில் சந்தித்தார் ஓபிஎஸ் - உறுதியானது கூட்டணி?

aiadmk-organiser-o-panneerselvam-meet-dmdk-leader-vijayakanth-in-his-saligramam-home

தேமுதிக தலைவர் விஜயகாந்தை அவரது இல்லத்தில் துணை முதல்வர் ஓ.பன்னீர் செல்வம் சந்தித்துள்ளார்.  

நாடாளுமன்றத் தேர்தல் வருவதையொட்டி தமிழகம் உட்பட இந்தியா முழுவதும் அரசியல் களம் சூடிபிடித்துள்ளது. தமிழகத்தில் கூட்டணி முடிவுகள் பரபரப்புடன் வெளியாகிக்கொண்டிருக்கிறது. பிரதான கட்சிகளான திமுக, அதிமுக தங்களது கூட்டணியை கிட்டதட்ட உறுதியாக்கிவிட்டன. ஆனால், தேமுதிக இன்னும் தனது நிலைப்பாட்டை வெளியிடா‌மல் இருப்பதுதான், திமுக, அதிமுக கூட்டணி ஒரு முடிவுக்கு வராமல் இருப்பதற்கு முக்கிய காரணமாக உள்ளது.

          

முதலில் அதிமுக-பாஜக கூட்டணியில் தேமுதிக இணையும் என்று பேசப்பட்டது. பாஜக தரப்பில் பேச்சுவார்த்தை நடத்தப்பட்டது வந்தது. ஆனால், தேமுதிக தலைவர் விஜயகாந்தை, திமுக தலைவர் ஸ்டாலின் சந்தித்த பிறகே சற்றே களம் மாறியது. திமுகவுடனும் பேச்சுவார்த்தை நடைபெறுவதாக பிரேமலதா தெரிவித்தது இன்னும் பரபரப்பை ஏற்படுத்தி இருந்தது. ஆனால், திமுக உடனான பேச்சுவார்த்தை நிறுத்தப்பட்டு விட்டதாக சில தினங்களுக்கு முன்பு செய்தி வெளியானது. 

          

அதனால், அதிமுக கூட்டணியில் தேமுதிக இடம்பெறுவதற்கான பேச்சுவார்த்தை தீவிரமாக நடைபெற்று வருவதாக கூறப்பட்டது. அதிமுக தலைவர்கள் பலரும் தேமுதிக உடனான பேச்சுவார்த்தை சுமூகமாக நடைபெற்று வருவதாக தெரிவித்து வந்தனர். மக்களவைத் தேர்தல் பரப்புரைக்காக வரும் 6-ம் தேதி தமிழகம் வரும் பிரதமர் மோடி, கூட்டணிக்கட்சி தலைவர்களுடன் ஒரே மேடையில் பங்கேற்று பேசுவார் என மாநில பாஜக தலைவர் தமிழிசை சௌந்தரராஜன் தெரிவித்து இருந்தார். அதனால், நாளைக்குள் தேமுதிக உடனான பேச்சுவார்த்தை இறுதி செய்யப்படும் எனக் கூறப்படுகிறது. 

      

இந்நிலையில், தேமுதிக தலைவர் விஜயகாந்தை சென்னை சாலிகிராமத்தில் அவரது இல்லத்தில் துணை முதல்வர் ஓ.பன்னீர் செல்வம் சந்தித்துள்ளார். இந்தச் சந்திப்பின் போது அமைச்சர் ஜெயக்குமாருடன் இருந்தார். இந்தச் சந்திப்பின் மூலம் கூட்டணி கிட்டதட்ட உறுதியாகியுள்ளதாக கூறப்படுகிறது.

தேமுதிகவுடன் பாஜக தரப்பினரே நேரடியாக சென்று இதுவரை பேசி வந்தனர். அதிமுக தரப்பில் இதுவரை யாரும் தேமுதிகவினரை சந்திக்கவில்லை. இந்த நிலையில், தற்போது முதன்முறையாக அதிமுக ஒருங்கிணைப்பாளராக உள்ள பன்னீர் செல்வம் விஜயகாந்தை சந்தித்துவுள்ளார். அதேபோல், தேமுதிக உயர்நிலைக்குழுக் கூட்டம் நாளை நடைபெற உள்ள நிலையில், இந்தச் சந்திப்பு நடைபெறவுள்ளது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close