[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

விஜயகாந்தை சந்திக்கிறார் திருநாவுக்கரசர் ! பரபரப்பாகும் தமிழக அரசியல் களம்

congress-thriunavukkarasar-to-meet-vijayakanth

தேமுதிக தலைவர் விஜயகாந்தை காங்கிரஸ் கட்சியின் மூத்த தலைவரான திருநாவுக்கரசர் சந்திக்க இருப்பதாக தகவல் வெளியாகி உள்ளது.

மக்களவைத் தேர்தல் நெருங்கி வரும் வேளையில் கூட்டணி பேச்சுவார்த்தையில் அதிமுக தீவிரம் காட்டி வருகிறது. அதிமுக கூட்டணியில் பாமகவிற்கு 7 தொகுதிகளும், பாஜகவிற்கு 5 இடங்களும் ஒதுக்கப்பட்டுள்ளன. அதேசமயம் 2 கட்சிகளும் அதற்குப் பின் நடைபெற இருக்கும் 21 சட்டப்பேரவைத் தொகுதி இடைத்தேர்தலில் அதிமுக வேட்பாளருக்கு ஆதரவு அளிப்பார்கள் என கூட்டணி பேச்சுவார்த்தையில் உடன்பாடு எட்டப்பட்டுள்ளது.

இதனிடையே அதிமுக கூட்டணியில் இணைய தேமுதிக 10 தொகுதிகளை கேட்பதாக சொல்லப்படுகிறது. இதனை ஏற்க மறுக்கும் அதிமுக, 10 தொகுதிகளை தேமுதிகவிற்கு ஒதுக்கும்பட்சத்தில், தேமுதிக வேட்பாளர்களும் அதிமுகவின் அதிகாரப்பூர்வ சின்னமான இரட்டை இலை சின்னத்திலேயே போட்டியிட வேண்டும் என்று கோரிக்கை வைப்பதாக கூறப்படுகிறது. இதனால் கூட்டணி பேச்சுவார்த்தையில் முடிவு எட்டப்படாமல் இழுபறி நீடிக்கிறது.

இதனிடையே, தேமுதிக தலைவர் விஜயகாந்த் தலைமையில் அவரது இல்லத்தில் பிரேமலதா, சுதீஷ் ஆகியோர் கட்சி நிர்வாகிகளுடன் முக்கிய ஆலோசனை நடத்தி வருகின்றனர். இந்நிலையில் காங்கிரஸ் கட்சியின் மூத்த தலைவரான திருநாவுக்கரசர் விஜயகாந்தை அவரது இல்லத்தில் சந்திக்க இருப்பதாக தகவல் வெளியாகி உள்ளது. காங்கிரஸ் கட்சி திமுக கூட்டணியில் இடம்பெற்றுள்ள நிலையில், திருநாவுக்கரசர் விஜயகாந்தை சந்திக்க இருப்பது அரசியல் வட்டாரத்தில் முக்கியத்துவம் வாய்ந்ததாக பார்க்கப்படுகிறது. இதனிடையே தேமுதிக தலைவர் விஜயகாந்த் உடல்நலன் குறித்து விசாரிக்கத் தான் அவரது இல்லத்திற்கு திருநாவுக்கரசர் செல்கிறார் என்ற தகவலும் வெளியாகி உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close