[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

“எம்எல்ஏவை விலைபேசினார் எடியூரப்பா” - ஆடியோ ஆதாரம் காட்டிய குமாரசாமி 

kumaraswamy-plays-audio-alleges-yeddyurappa-tried-to-bribe-mla

மதச்சார்பற்ற ஜனதா தளக் கட்சி எம்எல்ஏவுக்கு அமைச்சர் பதவி தருவதாக கர்நாடக மாநில பாஜக தலைவர் எடியூரப்பா பேரம் பேசியதாக ஆடியோவை முதலமைச்சர் குமாரசாமி வெளியிட்டு பரபரப்பை ஏற்படுத்தியுள்ளார்.

மதச்சார்பற்ற ஜனதா தள எம்எல்ஏ நாகனா கவுடாவின் மகன் ஷாரனாவிடம் கைபேசியில் எடியூரப்பா பேசியதாக கூறப்படும் ஆடியோவை குமாரசாமி வெளியிட்டார். அந்த ஆடியோவில் ஷாரனாவிடம் 25 லட்சம் ரூபாய் பணமும், அவரது தந்தைக்கு அமைச்சர் பதவியும் தருவதாக எடியூரப்பா கூறியிருப்பதாக தெரிகிறது. 

       

இதுகுறித்து பேசிய குமாரசாமி, நாட்டின் ஜனநாயகத்தை பிரதமர் அழித்து வருவதாகவும் நாட்டு மக்களை தவறாக வழி நடத்துவதாகவும் விமர்சித்துள்ளார். நரேந்திர மோடி ஒரு பக்கம் நாட்டுக்கும், அரசியல்வாதிகளுக்கும் உபதேசம் செய்துவிட்டு மற்றொரு பக்கம் அவரது நண்பர்களை வைத்து கருப்பு பணத்தால் நாட்டின் ஜனநாயகத்தை அழித்து வருகிறார் என்றும் அதற்கான ஆதாரங்கள் தம்மிடம் இருப்பதாகவும் குமாரசாமி தெரிவித்துள்ளார். 

          

ஆனால், இந்த ஆடியோ போலியானது என எடியூரப்பா மறுத்துள்ளார். முதல்வர் குமாரசாமி தனது பதவியை தக்கவைத்துக் கொள்வதற்காக எடியூரப்பா பேசியது போல் மிமிக்ரி செய்து பகுதி நேர சினிமா தயாரிப்பாளராக மாறியுள்ளார் என கர்நாடகா மாநில பாஜக ட்விட்டரில் பதிவிடப்பட்டுள்ளது.

கர்நாடகவில் சட்டசபை பட்ஜெட் கூட்டத்தொடர் நடைபெற்று வருகிறது. இந்தத் தொடரின் முதல் நாளில் காங்கிரஸ் எம்.எல்.ஏக்கள் 9 பேர் வரவில்லை. இது கர்நாடக அரசியலில் மீண்டும் பரபரப்பை கிளப்பியது. இதனால், ஆளும் மஜத-காங்கிரஸ் கூட்டணிக்கு பெரும்பான்மை இல்லை என்று கூறி கடந்த இரண்டு நாட்களாக பாஜகவினர் சட்டசபையில் கடும் அமளியில் ஈடுபட்டு வந்தனர். இந்த நிலையில், பாஜகவுக்கு எதிராக முதல்வர் குமாரசாமி வீடியோ ஆதாரத்தை வெளியிட்டு புகார் கூறியுள்ளார்.  

Advertisement:
இது தொடர்பான செய்திகள் :
Advertisement:
Advertisement:
[X] Close