[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

சிபிஐக்கு எதிராக மம்தா தர்ணா - கெஜ்ரிவால், சந்திரபாபு நாயுடு ஆதரவு

arvind-kejriwal-chandra-babhu-naidu-omar-abdullah-extend-support-to-mamata-banerjee-after-kolkata-police-cbi-clash

காவல் ஆணையரை விசாரணை மேற்கொள்வதற்கு எதிர்ப்பு தெரிவித்து தர்ணாவில் ஈடுபட்டுள்ள மேற்குவங்க முதலமைச்சர் மம்தா பானர்ஜிக்கு அரவிந்த் கெஜ்ரிவால், சந்திரபாபு நாயுடு ஆதரவு தெரிவித்துள்ளனர்.

நிதி நிறுவன மோசடி வழக்கில் கொல்கத்தா காவல் ஆணையர் ராஜீவ் குமாரை விசாரிக்க தெற்கு கொல்கத்தாவில் உள்ள அவரது இல்லத்திற்கு சிபிஐ அதிகாரிகள் சென்றனர். அங்கு, சிபிஐ அதிகாரிகளை கொல்கத்தா போலீசார் தடுத்து நிறுத்தினர். இதனால், அங்கு பரபரப்பு ஏற்பட்டது. சிபிஐ அதிகாரிகளை போலீசார் காவல் நிலையத்திற்கு அழைத்துச் சென்றனர். பின்னர், சிபிஐ அதிகாரிகள் விடுவிக்கப்பட்டனர்.

இதனையடுத்து, காவல் ஆணையர் ராஜீவ் குமார் வீட்டில் ஆலோசனை நடத்திய முதலமைச்சர் மம்தா பானர்ஜி, கூட்டாட்சி முறையை பாதுகாக்க வலியுறுத்து தர்ணா போராட்டத்தில் ஈடுபடப் போவதாக அறிவித்தார். உடனடியாக, கொல்கத்தா மெட்ரோ சாலைப் பகுதியில் தர்ணாவையும் தொடங்கினார். அவருடன் கொல்கத்தா காவல் ஆணையர் ராஜீவ் குமார் உள்ளிட்டோர் தர்ணாவில் ஈடுபட்டுள்ளனர்.

         

இதனிடையே, மம்தாவின் தர்ணா போராட்டத்திற்கு டெல்லி முதல்வர் அரவிந்த் கெஜ்ரிவால் மற்றும் ஆந்திர முதல்வர் சந்திரபாபு நாயுடு ஆதரவு தெரிவித்துள்ளனர். அதோடு, மத்திய அரசுக்கு எதிராக சிபிஐ செயல்பாட்டிற்கு கண்டனமும் தெரிவித்துள்ளனர்.

கெஜ்ரிவால் தனது ட்விட்டரில், “மேற்குவங்க முதலமைச்சர் மம்தா பானர்ஜியை தொடர்பு கொண்டு பேசினேன். என்னுடைய ஆதரவை அவருக்கு தெரிவித்தேன்.மோடி - அமித்ஷாவின் நடவடிக்கைகள் அனைத்தும் ஜனநாயகத்துக்கு விரோதமானது” என்று குறிப்பிட்டுள்ளார்.

        

அதேபோல், சந்திரபாபு நாயுடு, “இது மிகவும் அதிர்ச்சி அளிக்கிறது. அரசியலமைப்பு சட்டம் மற்றும் கூட்டாட்சி முறையின் மாண்பை பாதுகாக்க மேற்குவங்க முதலமைச்சர் மம்தா பானர்ஜி உடன் துணை நிற்போம்” என்று கூறியுள்ளார். 

        

அதேபோல், ஜம்மு-காஷ்மீர் தேசிய மாநாட்டு கட்சி தலைமர் உமர் அப்துல்லாவும் தன்னுடைய ஆதரவை மம்தா பானர்ஜிக்கு தெரிவித்துள்ளார். மேலும், மத்திய அரசு தன்னுடைய அரசியல் லாபத்திற்காக சிபிஐ உள்ளிட்ட நிறுவனங்களை பயன்படுத்துவதாக குற்றம்சாட்டியுள்ளார்.

         

Advertisement:
இது தொடர்பான செய்திகள் :
Advertisement:
Advertisement:
[X] Close