[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

சுகாதாரத்துறையில் பாஜக அரசின் சறுக்கல் என்ன? சாதனை என்ன?

bjp-s-election-manifesto-in-health-sector

கடந்த பதிவில் பாஜகவின் அறிவியல் மற்றும் தொழில்நுட்பம் குறித்த தேர்தல் வாக்குறுதிகளை பார்த்தோம். இப்போது சுகாதாரத்துறையில் பாஜக அளித்த வாக்குறுதிகள் என்ன? அவை எந்தளவுக்கு நிறைவேறின? எனப் பார்ப்போம்.

ஆட்சிக்கு வந்தால் தேசிய மருத்துவக் கொள்கையை புதுப்பிக்க போவதாக 2014 தேர்தல் அறிக்கையில் பாஜக கூறியது. ஆனால் பாஜக ஆட்சிக்கு வந்து மூன்று ஆண்டுகள் கழித்தே (2017) இந்தக் கொள்கையை மீண்டும் புதுப்பித்தது. 

இவர்களின் ஆட்சியில் சுகாதாரத்துறைக்கான செலவு நாட்டின் மொத்த உற்பத்தியிலிருந்து 2.5 சதவிகிதமாக இருக்கும் என வகுக்கப்பட்டது. ஆனால் சென்ற 2018ம் ஆண்டு நிதிநிலை அறிக்கையின்படி நேஷனல் ஹெல்த் மிஷன் திட்டத்திற்கான  2.1 %நிதியே ஒதுக்கப்பட்டது. மேலும், இந்தத் திட்டம் இரு பகுதிகளாக பிரிக்கப்பட்டன. ஒரு பகுதி கிராமப்புற மருத்துவம். மற்றொன்று நகரப்புற மருத்துவம். ஆனால் எதிர்பார்த்ததைவிட நகர்ப்புற மக்கள் மருத்துவத்திற்கான நிதி மிகக் குறைந்த அளவே ஒதுக்கப்பட்டது.

அடுத்து ‘ஆயுஷ்மான் பாரத் - பிரதம மந்திரி மக்கள் சுகாதாரத் திட்டம்’. சுகாதாரத்துறையில் இது பாஜக அரசின் மிக முக்கியமான திட்டம். இந்தத் திட்டத்திலும் புறநோயாளிகள் பாராமரிப்பு சேர்க்கப்படவில்லை. மேலும் இந்தத் திட்டத்திலுள்ள சுகாதார மற்றும் உடல்நல மையத்திற்கு 1200 கோடி ரூபாய் ஒதுக்கீடு செய்யப்பட்டது. இது இதற்கான மிகக் குறைந்த நிதியாகும் என பலரும் கூறி வருகின்றனர். ஏனெனில், இதில் மக்களுக்கான பல சேவைகள் மற்றும் அத்தியாவசிய மருந்து பொருள்களை வழங்கவேண்டி உள்ளது. இந்தக் குறைந்த நிதியைக் கொண்டு இம்மையத்தை செயல்பட செய்வது கடினம்.

இதனையடுத்து ‘ஸ்வச் பாரத்’ திட்டம்.  இதனை பாஜக அரசு தனது சிறப்பான திட்டமாக முன்வைத்தது. ஆனால் இதன் செயல்பாட்டில் பல்வேறு குறைகள் நிலவி வருகின்றன. வெட்டவெளியை கழிப்பறையாக பயன்படுத்துபவர்களை அடையாளம் கண்டு அதனை தடுக்க இத்திட்டம் கொண்டுவரப்பட்டது. ஆனால் இந்த நான்கு ஆண்டுகளில் 60% இருந்த இதன் புள்ளிவிவரம் இப்போது ஏறக்குறைய 40% ஆக குறைந்துள்ளது. பலகட்ட முயற்சிக்குப் பின் கிடைத்துள்ள மாற்றம் இது. ஆனால் சமீபத்திய ஆய்வு ஒன்று, வீட்டில் கழிப்பறை வசதி இருந்தும் இன்றும் பலர் வெட்டவெளியையே கழிப்பறையாக பயன்படுத்துகின்றனர் என்கிறது. இதன் அளவு 23% ஆக இருப்பதாக தெரியவந்துள்ளது. ஆக, இத்திட்டத்தின் செயல்பாடு குறித்து பல ஐயங்கள் எழுகின்றன.

பாஜக ஆட்சியில் சுகாதாரத்துறையில் மட்டும் பல குறைகள் உள்ளன. ஆனால் பல முன்னேற்றங்களையும் இந்த அரசு கண்டுள்ளது. அதற்கு சில உதாரணங்கள் உள்ளன. தாய்மார்களின் பிரசவகால இறப்பு (maternal moratlity rate)என்பது 2.7% ஆக குறைந்துள்ளது. மேலும் பச்சிளங் குழந்தைகளின் இறப்பு (Infant Mortality Rate)என்பது 34% ஆக குறைந்துள்ளது. 

இதேபோல், காசநோய் பாதிப்பு லட்சத்தில் 204 பேருக்கு மட்டுமே உள்ளது. இது கடந்த 2013ம் ஆண்டின் அளவைவிட மிகக் குறைவு. அத்துடன், மலேரியா பாதிப்பு 30% ஆக குறைந்துள்ளது. ஆனாலும் இந்தத்துறையில் நாடு இன்னும் செல்ல வேண்டிய தூரம் அதிகம்.

சரி, கல்வித்துறையில் பாஜகவின் தேர்தல் வாக்குறுதிகள் என்ன?

(வெயிட் அண்ட் சி..)
 

Advertisement:
இது தொடர்பான செய்திகள் :
Advertisement:
Advertisement:
[X] Close