[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

திருவாரூரில் இடைத் தேர்தல் நடத்தலாமா? - மாலைக்குள் ஆட்சியர் அறிக்கை

the-report-sent-to-election-commission-on-thiruvarur-by-election-all-party-meeting

திருவாரூரில் இடைத் தேர்தலை நடத்துவது குறித்து நடைபெற்ற அனைத்துக் கட்சி கூட்டம் தொடர்பான அறிக்கை, பிற்பகல் 3 மணிக்கு அனுப்பப்பட உள்ளதாக தகவல் வெளியாகியுள்ளது. 

திருவாரூரில் இடைத்தேர்தல் நடத்த முடியுமா? முடியாதா? என ஆய்வு செய்து அறிக்கை அளிக்க மாவட்ட தேர்தல் அதிகாரிக்கு தலைமை தேர்தல் அதிகாரி சத்தியபிரதா சாஹூ நேற்று உத்தரவிட்டார். கஜா புயல் நிவாரணப் பணிகள் நடைபெறுவதால் இடைத்தேர்தலை தள்ளிவைக்க வேண்டும் என்று உச்சநீதிமன்றத்தில் டி.ராஜா தொடர்ந்த மனுவை குறிப்பிட்டு இந்த உத்தரவு பிறப்பிக்கப்பட்டுள்ளது. 

இந்நிலையில், திருவாரூரில் தேர்தலை நடத்துவது குறித்து அதிகாரிகள் இன்று ஆய்வு மேற்கொண்டது. இதுதொடர்பாக திருவாரூர் ஆட்சியர் அலுவலகத்தில் கட்சிகளின் கருத்துக் கேட்புக் கூட்டம் நடைபெற்றது. இந்தக் கூட்டத்தில், அதிமுக, திமுக, சிபிஎம் உள்ளிட்ட அங்கீகரிக்கப்பட்ட கட்சிகளின் பிரதிநிதிகள் கலந்து கொண்டனர். தேர்தல் நடத்துவது பற்றிய அறிக்கையை மாலைக்குள் தர அதிகாரி உத்தரவிட்ட நிலையில், ஆட்சியர் தலைமையில் இந்தக் கூட்டம் நடைபெற்றது.

கூட்டத்தில், புயல் நிவாரணப் பணிகள் நிறைவடைந்த பின் தேர்தல் நடத்தலாம் என கட்சிகள் வலியுறுத்தின. நாடாளுமன்றத் தேர்தலுடன் திருவாரூர் தொகுதிக்கும் இடைத்தேர்தலை நடத்தலாம் எனவும் கட்சிகள் கருத்து தெரிவித்தன. கூட்டத்திற்குப் பின் பேசிய திமுக முன்னாள் எம்.பி. விஜயன், ‘தேர்தலை சந்திக்க திமுக தயாராக உள்ளது. எனினும் புயல் நிவாரணப் பணி முழுமையாக நடைபெற வேண்டும்’ என்று கூறினார்.

இந்நிலையில், திருவாரூர் அனைத்துக் கட்சிக் கூட்டம் குறித்த அறிக்கை பிற்பகல் 3 மணிக்கு அனுப்பப்பட உள்ளதாக தகவல் வெளியாகியுள்ளது. தலைமை தேர்தல் ஆணையருக்கு திருவாரூர் ஆட்சியர் அறிக்கை அனுப்ப உள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close