[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

“ரஜினி மீண்டு வரவில்லையா? பாஜகவும் மீண்டு வரும்”- தமிழிசை

tamilisai-soundararajan-reply-to-rajini

ரஜினியின் ஒருபடம் ஓடவில்லையென்றாலும், அடுத்த படம் ஓடுவதைபோல பாஜக மீண்டு வரும் என தமிழிசை சவுந்தரராஜன் தெரிவித்துள்ளார்.

அண்மையில் நடைபெற்ற 5 மாநிலத் தேர்தலில் பாஜக பின்னடைவை சந்தித்தது. சத்தீஸ்கர், மத்தியப் பிரதேசம், ராஜஸ்தான் ஆகிய மாநிலங்களில் காங்கிரஸ் கட்சி வெற்றி பெற்று ஆட்சியமைக்கிறது. அதேபோல தெலங்கானாவில், தெலங்கானா ராஷ்டிர சமிதி கட்சி வெற்றி பெற்று ஆட்சியமைத்துள்ளது. மிசோரமில், மிசோ தேசிய முன்னணி கட்சி ஆட்சியமைக்கிறது. 5 மாநிலத் தேர்தலில் ஒரு மாநிலங்களில் கூட பாஜக வெற்றிபெறவில்லை. இது அக்கட்சிக்கு பெரும் பின்னடைவாக கருதப்படுகிறது.

5 மாநிலத் தேர்தல் முடிவுகள் குறித்து பேசிய நடிகர் ரஜினிகாந்த், பாஜக தனது செல்வாக்கை இழந்துள்ளதாக தெரிவித்தார். அத்துடன் 5 மாநில தேர்தல் முடிவுகள் பாஜகவிற்கு பெரும் பின்னடைவை ஏற்படுத்தியுள்ளதாகவும் அவர் குறிப்பிட்டார்.

இந்நிலையில் ரஜினியின் ஒருபடம் ஓடவில்லையென்றாலும், அடுத்த படம் ஓடுவதைபோல பாஜக மீண்டு வரும் என தமிழிசை சவுந்தரராஜன் தெரிவித்துள்ளார். சென்னை தி.நகரில் உள்ள பாஜக தலைமை அலுவலகத்தில் செய்தியாளர்களிடம் பேசிய பாஜக மாநிலத் தலைவர் தமிழிசை சவுந்தரராஜன், “ரஜினியின் ஒருபடம் ஓடவில்லையென்றால் அவரின் செல்வாக்கு சென்றுவிட்டது என நான் சொல்லமாட்டேன். அடுத்தப்படம் வெற்றியடைகிறது. அரசியலும் அதேபோலதான். இடையில் ரஜினிக்கு சில படம் தோல்வியடைந்தது. மறுபடியும் ரஜினி மீண்டெழுந்து வரவில்லையா..? அதேபோல பிரதமர் மோடிக்கு சின்ன சறுக்கல். மத்தியப் பிரசேதத்தில் சூழ்நிலை சரியில்லை. ஆனால் பாஜக மீண்டு வரும்” எனத் தெரிவித்தார்.

Advertisement:
Advertisement:
Advertisement:
[X] Close