[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

மத்திய அமைச்சர் பதவியில் இருந்து உபேந்திர குஸ்வாஹா ராஜினாமா?

bjp-ally-upendra-kushwaha-quits-as-minister-will-attend-opposition-meet

மத்திய அமைச்சர் பதவியில் இருந்து ராஷ்ட்ரிய லோக் சக்தி கட்சியின் தலைவர் உபேந்திர குஸ்வாஹா ராஜினாமா செய்துள்ளதாக தகவல் வெளியாகியுள்ளது.

2019 ஆம் ஆண்டு நாடாளுமன்ற தேர்தலை முன்னிட்டு பாஜகவுக்கு ராஷ்ட்ரிய லோக் சக்தி கட்சிக்கும் இடையே உடன்பாடு எட்டப்படாமல் இருந்து வந்த நிலையில், உபேந்திர குஸ்வாஹா இந்த முடிவினை எடுத்துள்ளது குறிப்பிடத்தக்கது. 

உபேந்திர குஸ்வாஹா இன்று பிற்பகல் செய்தியாளர்களை சந்தித்து இந்த முடிவினை அறிவிப்பார் என்று கூறப்படுகிறது. அதோடு, எதிர்க்கட்சிகள் சார்பில் நடைபெறவுள்ள இன்றைய கூட்டத்தில் அவர் பங்கேற்க உள்ளார் என்று டெல்லி அரசியல் வட்டாரங்கள் தெரிவிக்கின்றன. குஸ்வாஹா மனிதவள மேம்பாட்டுத்துறை இணை அமைச்சராக பதவி வந்து வருகிறார். 

         

பீகார் மாநிலத்தில் மொத்தம் 40 மக்களவை தொகுதிகள் உள்ளன. இதில், பாஜக மற்றும் ஐக்கிய ஜனதா தளம் கட்சிகள் தலா 17 இடங்களில் போட்டியிடுவது என்ற ஒப்பந்தம் செய்துள்ளன. மீதமுள்ள 6 தொகுதிகளில் 2 தொகுதிகள் மட்டுமே ராஷ்ட்ரிய லோக் சக்தி கட்சிக்கு ஒதுக்குவதாக கூறப்பட்டது. கடந்த 2014 மக்களவை தேர்தலில் 3 தொகுதிகளில் அந்தக் கட்சி போட்டியிட்டது. இந்த முறையும் உரிய இடங்களில் வழங்க வேண்டும் என்று பாஜகவை அந்தக் கட்சி வலியுறுத்தியது. இதனால், சமீப காலமாக இரு கட்சிகளிடையே முரண்பாடு நிலவி வந்தது. 

            

இதனையடுத்து, பீகார் மாநிலத்தில் காங்கிரஸ் ராஷ்ட்ரிய ஜனதா தளம் கட்சிகளின் கூட்டணியில் குஸ்வாஹா இணைவார் என்று எதிர்பார்க்கப்படுகிறது. ஏற்கனவே, பாஜக கூட்டணியில் இருந்த தெலுங்கு தேசம் உள்ளிட்ட கட்சிகள் வெளியுள்ள நிலையில், தற்போது மேலும் ஒரு கட்சி விலகியுள்ளது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close