[X] Close
JUST IN
  • BREAKING-NEWS கிழக்கு டெல்லி மக்களவை தொகுதியில் பாஜக சார்பில் முன்னாள் கிரிக்கெட் வீரர் கவுதம் கம்பீர் போட்டியிடுகிறார்
  • BREAKING-NEWS சென்னையில் நடைபெறுவதாக இருந்த ஐபிஎல் 2019 இறுதிப்போட்டி ஐதராபாத்துக்கு மாற்றம்
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்

“நிர்வாணப் போராட்டம் நோக்கத்தை திசை திருப்பும்” - ஸ்டாலின் அறிவுரை

dmk-leader-m-k-stalin-advised-tamil-nadu-farmers-to-protest-with-our-cultural-sense

விவசாயிகள் நிர்வாணப் போராட்டங்களை கைவிட்டு அமைதியாகவும் நாகரீகமாகவும் அறவழிப்போராட்டங்களில் ஈடுபட்டு வேதனைக்குரலை வெளிப்படுத்த வேண்டும் என மு.க.ஸ்டாலின் வலியுறுத்தியுள்ளார். 

பயிர்க்கடன் தள்ளுபடி,‌ விளைபொருட்களுக்கு உரிய விலை உள்ளிட்ட கோரிக்கைகளை வலியுறுத்தி தமிழகம் உள்ளிட்ட பல்வேறு மாநிலங்களைச் சேர்ந்த விவசாயிகள் டெல்லியில் போராட்டத்தில் ஈடுபட்டுள்ளனர். கோரிக்கைகளை மத்திய அரசுக்கு எடுத்துரைக்கும் விதமாக டெல்லி ராம்லீலா மைதானத்தில் இருந்து நாடாளுமன்றத்தை நோக்கி 20 ஆயிரம் விவசாயிகள் பேரணியாகச் சென்றனர். கடன் சுமையால் விவசாயிகள் தற்கொலை செய்து கொள்வதாகவும் இதனை தடுக்கும் வகையில் நாடாளுமன்றத்தின் சிறப்புக்கூட்டத்தை கூட்ட வேண்டும் ‌என்றும் அவர்கள் கோரிக்கை விடுத்துள்ளனர்.

      

இந்நிலையில், விவசாயிகள் போராட்டம் தொடர்பாக ஸ்டாலின் தனது ட்விட்டர் பக்கத்தில், “விவசாயிகள் கடன் தள்ளுபடி, குறைந்தபட்ச ஆதார விலையை அதிகரிக்க வலியுறுத்தி டெல்லியில் ஆயிரக்கணக்கான விவசாயிகள் போராட்டத்தில் ஈடுபட்டனர். தமிழக விவசாயிகளும் இதே பிரச்னைகளைத்தான் சந்திக்கிறார்கள். பிரதமர் நரேந்திர மோடி விவசாயிகளின் வலியை உணர்ந்து, அவர்களுக்கு நீண்டகால தீர்வு கிடைக்க வழிவகை செய்ய வேண்டும்” எனக் குறிப்பிட்டிருந்தார். 

 

மேலும், தமிழக விவசாயிகள் போராட்டம் குறித்து ஸ்டாலின் கூறுகையில், “விவசாயிகள் அமைதியாகவும், நாகரீகமாகவும் அறவழிப் போராட்டங்களில் ஈடுபட வேண்டும். நிர்வாணப் போராட்டங்களை கைவிட்டு அறவழியில் போராடி வேதனைக் குரலை வெளிப்படுத்த வேண்டும். நமது பண்பாட்டுக்கு எவ்விதக் குறையும் ஏற்பட்டு விடாமல் போராட்டம் நடத்த வேண்டும். 

                 

விவசாயிகளின் கோரிக்கைகளை உதாசீனப்படுத்தும் மத்திய, மாநில அரசுகளின் போக்கு கண்டத்துக்குரியது. பாரம்பரிய சீர்மிகு பண்புகளுக்கு குந்தகம் ஏற்படுத்தும் வகையில் நடக்கும் போராட்டங்களை திமுக ஆதரிக்காது. தமிழகத்தின் மாண்பையும், மதிப்பையும் மேலும் போற்றிப் பாதுகாக்கும் வகையில் அறவழியில் போராட்ட வேண்டும். நிர்வாணப் போராட்ட முறைகள், போராட்டத்தின் மைய நோக்கத்தை திசை திருப்புவதாக அமைந்துவிடும்” என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close