[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது

ஸ்டாலினுடன் வைகோ சந்திப்பு - கூட்டணி சர்ச்சைக்கு முற்றுப் புள்ளியா?

mdmk-leader-vaiko-met-dmk-leader-mk-stalin

சென்னை அண்ணா அறிவாலயத்தில் திமுக தலைவர் மு.க.ஸ்டாலினை வைகோ சந்தித்தார். 

திமுக கூட்டணியில் மதிமுகவும் விடுதலைச் சிறுத்தைகளும் இல்லை என அக்கட்சியின் பொருளாளர் துரைமுருகன் சமீபத்தில் கூறியிருந்தார். விடுதலை சிறுத்தைகள் கட்சியின் தலைவர் திருமாவளவன் தாங்கள் திமுகவின் தோழமை கட்சிதான், கூட்டணி குறித்து இனிமேல்தான் முடிவு செய்யப்படும் என கூறிவந்தார். 

        

ஆனால், மதிமுக பொதுச் செயலாளர் வைகோ, திமுகவை ஆட்சியில் அமர வைப்பேன் என்று கூறி வந்தார். அப்படி இருக்கையில் மதிமுகவும் கூட்டணியில் இல்லையென துரைமுருகன் கூறியதால் வைகோ அதிருப்தி அடைந்தார். அதனையடுத்து, திமுக கூட்டணியில் மதிமுக உள்ளதா என்பதை மு.க.ஸ்டாலின் தெளிவுபடுத்த வேண்டும் என வைகோ தெரிவித்தார். ஆனால், திமுக தலைவர் ஸ்டாலின் நேரடியாக எதுவும் இதுவரை பேசவில்லை. இருப்பினும், ராஜீவ் காந்‌தி கொலை வழக்கில் சிறையிலுள்ள 7 பேரையும் விடுவிக்க வலியுறுத்தி ஆளுநர் மாளிகை முற்றுகையிடும் மதிமுகவின் போராட்டத்திற்கு திமுக ஆதரவு தெரிவித்தது. 

இதனிடையே, தோழமைகளாக இயங்கிவரும் திமுக, காங்கிரஸ், விடுதலை சிறுத்தைகள், இடதுசாரிகள், மதிமுக ஆகியவை கூட்டணியாக மாற வேண்டும் என விடுதலைச் சிறுத்தைகள் கட்சித் தலைவர் திருமாவளன் கூறினார். அதோடு, திமுக தலைவர் ஸ்டாலினை நேற்று அண்ணா அறிவாலயத்தில் சந்தித்தார்.

             

இந்நிலையில், வைகோவும், ஸ்டாலினை இன்று சந்தித்துள்ளார். இந்த சந்திப்பின் போது, கழகப் பொருளாளர் துரைமுருகன், முதன்மைச் செயலாளர் டி.ஆர்.பாலு, மாநிலங்களவை உறுப்பினர் ஆர்.எஸ்.பாரதி, முன்னாள் அமைச்சர்கள் ஐ.பெரியசாமி, க.பொன்முடி ஆகியோர் உடனிருந்தனர். சந்திப்புக்கு பின்னர் செய்தியாளர்களிடம் பேசிய வைகோ, ஏழு பேர் விடுதலைக்காக நடத்தப்படும் போராட்டத்திற்கு திமுக தலைவர் ஸ்டாலின் அளிக்கும் ஆதரவே கூட்டணிக்கான விளக்கமும் கூட என்று தெரிவித்தார். மேலும், நாடாளுமன்ற தேர்தலில் திமுக 40 தொகுதிகளிலும் வெற்றிபெற பாடுபடுவேன் என்றார் வைகோ.

Advertisement:
Advertisement:
Advertisement:
[X] Close