[X] Close
JUST IN
  • BREAKING-NEWS கிழக்கு டெல்லி மக்களவை தொகுதியில் பாஜக சார்பில் முன்னாள் கிரிக்கெட் வீரர் கவுதம் கம்பீர் போட்டியிடுகிறார்
  • BREAKING-NEWS சென்னையில் நடைபெறுவதாக இருந்த ஐபிஎல் 2019 இறுதிப்போட்டி ஐதராபாத்துக்கு மாற்றம்
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்

“இனி ஊடகங்களை சந்திக்கவே மாட்டேன்” - கர்நாடக முதல்வர் சாடல்

kumaraswamy-blames-media-for-all-his-problems-vows-not-to-talk-to-press-again

தன்னுடைய எல்லா பிரச்னைக்கும் ஊடகங்கள்தான் காரணம் என்றும், இனி ஊடகங்களை சந்தித்து பேச மாட்டேன் என்றும் கர்நாடக முதலமைச்சர் குமாரசாமி கூறியுள்ளார். 

கர்நாடகாவில் கரும்பு கொள்முதல் விலையை உயர்த்தக் கோரியும், நிலுவைத் தொகையை வழங்கக் கோரியும் கரும்பு விவசாயிகள் கடந்த சில தினங்களாக தொடர் போராட்டத்தில் ஈடுபட்டு வருகின்றனர். போராட்டத்தில் ஈடுபட்டுள்ள விவசாயிகளுடன் கர்நாடக அரசு பேச்சுவார்த்தையில் ஈடுபட்டு வருகின்றது. இருப்பினும், பிரச்னை முடிவுக்கு வந்த பாடில்லை. இதனிடையே விவசாய சங்க தலைவர் ஜெயஸ்ரீ குரன்னவர் பற்றி குமாரசாமி பேசியதாக வீடியோ ஒன்றும் வைரலானது.

          

இந்நிலையில், விவசாய சங்க தலைவர் ஜெயஸ்ரீ குரன்னவர் பற்றிய தன்னுடைய கருத்து ஊடகங்களில் திரித்து கூறப்பட்டுள்ளதாக முதலமைச்சர் குமாரசாமி குற்றம்சாட்டியுள்ளார். மேலும், ஊடகங்களுக்கு இனி பேட்டி கொடுக்கப்போவதில்லை என அவர் கோபமாக பேசினார். 

“ ஊடகங்களின் செயல்பாடுகளால் நான் வருத்தமடைந்துள்ளேன். தன்னை பற்றிய நியாயமற்ற முறையில் ஊடகங்கள் செய்திகள் வெளியிட்டு வருகின்றன. சில குறிப்பிட்ட ஊடகங்கள் எனக்கு எதிராக தொடர் பிரச்சாரத்தில் ஈடுபட்டு வருகின்றன. சிறிய விஷயத்தை கூட எனக்கு எதிராக பூதாகரமாக்கிவிடுகிறார்கள். அது எனக்கு பெரிய வலியை ஏற்படுத்தியுள்ளது. 

               

இனிமேல் வரும் காலங்களில் ஊடகங்களை சந்திப்பது இல்லை என முடிவு செய்துள்ளேன். உங்களுக்கு வேண்டுமென்றால் செய்திகளை போடுங்கள். இல்லையென்றால் விட்டுவிடுங்கள். எனக்கு அதனை பற்றி கவலையில்லை” என்று குமாரசாமி கூறினார்.

இதனையடுத்து, முதல்வர் குமாரசாமியின் இந்தப் பேச்சை கர்நாடக பாஜக தலைமை கடுமையாக விமர்சித்துள்ளது. ஊடகங்களை கையால்வதில் முதல்வர் தோல்வி அடைந்துவிட்டதாகவும், இது பேரிடர் என்றும் எடியூரப்பா கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close