[X] Close
JUST IN
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்

ரஜினி சொன்னது தெளிவான பதில் - தமிழிசை விளக்கம்

tamilisai-said-rajini-speak-is-accurate-answer

பாஜக மீது யாரும் எதிர்க்கருத்துகள் கூற வாய்ப்பில்லை எனவும் ரஜினிகாந்த் தெளிவான பதிலை தெரிவித்துள்ளதாகவும் தமிழக பாஜக தலைவர் தமிழிசை சவுந்திரராஜன் தெரிவித்துள்ளார். 

சென்னை விமான நிலையத்தில் நடிகர் ரஜினிகாந்த் நேற்று செய்தியாளர்களை சந்தித்தார். அப்போது, பாஜகவுக்கு எதிரான பல்வேறு கட்சிகள் சேர்ந்து கூட்டணி அமைக்கின்றன. பாஜக அவ்வளவு ஆபத்தான கட்சியா என்ற கேள்விக்கு அப்படின்னு அவர்கள் நினைச்சிட்டு இருக்காங்க. அப்ப அதுதானே கண்டிப்பா உண்மையாக இருக்க முடியும் என ரஜினி பதில் அளித்திருந்தார். 

அதைதொடர்ந்து ரஜினிகாந்த் சென்னை போயஸ் கார்டனில் உள்ள தனது இல்லம் முன்பு இன்று செய்தியாளர்களை சந்தித்தார். அப்போது, எதிர்க்கட்சிகளுக்கே பாஜக ஆபத்தான கட்சி என்று நான் பதில் சொன்னேன் எனவும் பாஜக ஆபத்தான கட்சியா என்று மக்கள் தான் முடிவு செய்ய வேண்டும் எனவும் குறிப்பிட்டார். 

பாஜகவுக்கு எதிராக எதிர்க்கட்சிகள் மெகா கூட்டணி அமைப்பது குறித்து கேட்டதற்கு 10 பேர் சேர்ந்து ஒருவரை எதிர்க்கிறார்கள் என்றால் யார் பலசாலி என்று நீங்கள் சொல்லுங்கள்? நீங்களே முடிவு செய்து கொள்ளுங்கள் எனத் தெரிவித்தார். 

இந்நிலையில், பாஜக மீது யாரும் எதிர்க்கருத்துகள் கூற வாய்ப்பில்லை எனவும் ரஜினிகாந்த் தெளிவான பதிலை தெரிவித்துள்ளதாகவும் தமிழக பாஜக தலைவர் தமிழிசை சவுந்திரராஜன் தெரிவித்துள்ளார்.

பாஜக நேர்மறையான அரசியலை நடத்தி வருவதாகவும் தமிழகத்தில் பலம் வாய்ந்தவர்கள் பாஜக கூட்டணியில் இணைவார்கள் எனவும் குறிப்பிட்டார். 

வீடியோ

Advertisement:
Advertisement:
Advertisement:
[X] Close