[X] Close
JUST IN
  • BREAKING-NEWS நீர் மேலாண்மை குறித்து தமிழக அரசு எந்த சிந்தனையும் இல்லாமல் இருப்பது பேராபத்தை ஏற்படுத்தும்- டிடிவி தினகரன்
  • BREAKING-NEWS முதலமைச்சரை அவதூறாக பேசியதாக திண்டுக்கல் லியோனி மீது வழக்கு
  • BREAKING-NEWS குண்டர் சட்ட முறைகளை புதுவை அரசு கடைபிடிக்கவில்லை: உயர்நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.85.22 காசுகளாகவும், டீசல் லிட்டருக்கு ரூ.79.69 காசுகளாகவும் விலை நிர்ணயம்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு
  • BREAKING-NEWS டெல்லியில் தசரா விழா கோலாகலம்... குடியரசுத்தலைவர் ராம்நாத் கோவிந்த், பிரதமர் மோடி பங்கேற்பு...
  • BREAKING-NEWS வழக்கறிஞர்களுடன் ஆலோசித்த பின் எப்போது மனு தாக்கல் செய்வது என்பது குறித்து முடிவு - தேவசம் போர்டு

திருவாரூர், திருப்பரங்குன்றத்திற்கு இப்போது இடைத்தேர்தல் இல்லை.. காரணம் இதுதான்..!

now-no-by-election-for-tiruvarur-and-thiruparankundram-here-is-the-reason

தமிழகத்தில் காலியாக உள்ள திருப்பரங்குன்றம், திருவாரூர் தொகுதிகளுக்கு இடைத்தேர்தல் தேதி அறிவிக்கப்படவில்லை.

மத்தியப் பிரதேசம், ராஜஸ்தான், சத்தீஸ்கர், மிசோரம், தெலங்கானா ஆகிய 5 மாநில சட்டமன்ற தேர்தல்களுக்கான தேதி நேற்று அறிவிக்கப்பட்டது. இதனுடன் சேர்ந்து தமிழகத்தில் காலியாக உள்ள திருப்பரங்குன்றம், திருவாரூர் தொகுதிகளுக்கும் இடைத்தேர்தல் தேதி அறிவிப்பு வெளியாகும் என எதிர்பார்க்கப்பட்டது. இந்‌த நிலையில் தமிழகத்தில் தற்போது இடைத்தேர்தல் இல்லை என தேர்தல் ஆணையம் கூறியுள்ளது. மழை, தேர்தல் வழக்கை கருத்தில் கொண்டு தமிழகத்தில் இடைத்தேர்தல் தேதி பின்னர் அறிவிக்கப்படும் என தலைமைத் தேர்தல் ஆணையர் ஓ.பி.ராவத் கூறியுள்ளார்.

பருவமழை மற்றும் தேர்தல் வழக்கு நிலுவையில் இருப்பதால், இரண்டு தொகுதிகளுக்கும் இப்போது இடைத்தேர்தல் நடத்த வேண்டாம் என தமிழக அரசு கேட்டுக்கொண்டதாகவும், தலைமைத் தேர்தல் ஆணையர் ஓ.பி.ராவத் தெரிவித்துள்ளார். முன்னாள் முதலமைச்சர் கருணாநிதி மறைந்ததால் திருவாரூர் தொகுதியும், அதிமுகவைச் சேர்ந்த ஏ.கே.போஸ் மரணமடைந்ததால் திருப்பரங்குன்றம் தொகுதியும் காலியாக உள்ளன.

தமிழக தலைமைச் செயலாளர் கடிதம்

திருவாரூர், திருப்பரங்குன்றம் ஆகிய தொகுதிகளில் இப்போது இடைத்தேர்தல் நடத்த வேண்டாம் என தேர்தல் ஆணையத்துக்கு, தமிழக தலைமைச் செயலாளர் எழுதியுள்ள கடிதத்தின் விவரங்கள்.

தலைமைத் தேர்தல் ஆணையருக்கு தமிழக தலைமைச் செயலாளர் எழுதிய கடிதத்தில், வழக்கத்தை விட 12 சதவீதம் அளவிற்கு, வடகிழக்கு பருவமழை அதிகமாக பெய்யும் என இந்திய வானிலை ஆய்வு மையம் தெரிவித்துள்ளதாக குறிப்பிடப்பட்டுள்ளது. டெல்டா மாவட்டத்தில் உள்ள திருவாரூர் கடந்த மூன்று ஆண்டுகளாக அக்டோபர் முதல் டிசம்பர் வரையிலான காலகட்டத்தில் மழை மற்றும் புயலால் பாதிக்கப்படுவதாக தெரிவிக்கப்பட்டுள்ளது.

தற்போதும் மழை எச்சரிக்கை விடுக்கப்பட்டுள்ளதால் இடைத்தேர்தல் நடத்த வேண்டாம் என கேட்டுக்கொள்ளப்பட்டுள்ளது. இதேபோல், திருப்பரங்குன்றத்தில் இடைத்தேர்தல் முடிவுக்கு எதிராக திமுக சார்பில் போட்டியிட்டு தோல்வியடைந்த சரவணன் நீதிமன்றத்தில் வழக்கு தொடர்ந்துள்ளதாக தெரிவிக்கப்பட்டுள்ளது. இந்த வழக்கு நீதிமன்றத்தில் நடைபெற்று வருவதால் தற்போது இடைத்தேர்தலை நடத்த வேண்டாம் என தமிழக தலைமைச் செயலாளர் தனது கடிதத்தில் கேட்டுக்கொண்டுள்ளார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close