[X] Close
JUST IN
  • BREAKING-NEWS ஊடகங்களிடம் பேச அஞ்சும் பிரதமராக நான் இருக்கவில்லை; ஒவ்வொரு வெளிநாட்டு பயணம் முடிந்ததும் பத்திரிகையாளர் சந்திப்பு நடத்தியிருக்கிறேன் - முன்னாள் பிரதமர் மன்மோகன் சிங்
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி

கைது நடவடிக்கையில் இருவேறு அணுகுமுறையா? : ஸ்டாலின் கடும் கண்டனம்

dmk-president-stalin-condemned-the-arrest-of-mla-karunas

கருணாஸுக்கு ஒரு சட்டம், ஹெச்.ராஜா மற்றும் எஸ்.வி.சேகருக்கு ஒரு சட்டம் என்ற பாகுபாடான போக்கு மிகவும் அநீதியானது, கண்டிக்கத்தக்கது என திமுக தலைவர் ஸ்டாலின் தெரிவித்துள்ளார்.

கருணாஸ் கைது தொடர்பாக திமுக தலைவர் ஸ்டாலின் வெளியிட்டுள்ள அறிக்கையில் சட்டமன்ற உறுப்பினர் கருணாஸ் தான் தெரிவித்த கருத்துக்கு வெளிப்படையாக வருத்தம் தெரிவித்த பிறகும் அவரை வேண்டுமென்றே கைது செய்திருப்பது தமிழ்நாட்டில் சட்டத்தின் ஆட்சி, "ஆளுக்கொரு நீதி, வேளைக்கொரு நியாயம்" என்ற நிலையில் தான் அமல்படுத்தப்படுகிறது என்பது தெளிவாவதாக தெரிவித்துள்ளார்.

உயர்நீதிமன்றத்தையும், தமிழ்நாடு காவல்துறையையும் ஒட்டுமொத்தமாக மிகவும் கேவலமாகவும், தரக்குறைவாகவும் விமர்சித்ததால் பல்வேறு காவல்நிலையங்களில் வழக்குப்பதிவு செய்யப்பட்டும், இதுவரை பாரதிய ஜனதா தேசியச் செயலாளர் ஹெச் ராஜா கைது செய்யப்படவில்லை என அவர் சுட்டிக்காட்டியுள்ளார். 

இதே போல் பெண் பத்திரிகையாளர்கள் குறித்து மிகவும் இழிவான கருத்துகளை வெளியிட்ட எஸ்.வி.சேகரின் முன் ஜாமீன் மனு உயர்நீதிமன்றத்தில் நிராகரிக்கப்பட்டு, உச்சநீதிமன்றமே கைது செய்ய தடைவிதிக்க மறுத்தும் கூட அவரை கைது செய்ய தயக்கம் காட்டுவது எந்த வகை அணுகுமுறை என்றும் விளங்கவில்லை என ஸ்டாலின் தெரிவித்துள்ளார். கைது செய்யவேண்டியவர்களை அவர்களுடைய பின்னணியைப் பற்றியெல்லாம் கவலைப்படாமல் கைது செய்யவேண்டும் என்றும், விடுவிக்க வேண்டியவர்களை உடனே விடுவிக்கவேண்டும் என்றும் ஸ்டாலின் வலியுறுத்தியுள்ளார்.

வீடியோ

Advertisement:
Advertisement:
Advertisement:
[X] Close