[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

“மோடி அரசுக்கு பாடம் புகட்ட வா” - திமுக தலைவர் மு.க.ஸ்டாலின் 

dmk-president-m-k-stalin-speech-about-modi-govt

இந்தியா முழுவதும் காவி வண்ணம் அடிக்க நினைக்கும் மோடி அரசுக்கு பாடம் புகட்ட வா என கட்சியினருக்கு திமுக தலைவர் மு.க.ஸ்டாலின் அழைப்பு விடுத்துள்ளார்.

திமுக தலைவராக தேர்ந்தெடுக்கப்பட்ட பிறகு  மு.க.ஸ்டாலின், முதன்முறையாக பொதுக்குழுவில் பேசினார். என் உயிரினும் மேலான கலைஞரின் அன்பு உடன்பிறப்புகளே என தனது உரையை ஸ்டாலின் தொடங்கினார். தான் கலைஞர் இல்லை; கலைஞரைப் போல் தன்னால் பேச முடியாது எனக் கூறிய ஸ்டாலின் தலைவர் பொறுப்பை அனைவரின் அன்போடும், ஆதரவோடும் ஏற்றுக் கொண்டிருப்பதாக தெரிவித்தார். வாழ்நாள் முழுவதும் உழைப்பு - உழைப்பு - உழைப்பு என்றுதான் வாழ்வேன் என்றும், எதையும் முயன்று பார்க்கக்கூடிய துணிவு தனக்கு உள்ளது என்றும் ஸ்டாலின் கூறினார்.

தமிழகத்தில் சுயமரியாதைக் கொள்கைகளுக்கு பேராபத்து ஏற்பட்டுள்ளது எனக் கூறிய ஸ்டாலின், மக்களாட்சியின் மதச்சார்பற்ற தன்மையைக் குலைக்க முயற்சிகள் நடக்கின்றன என்றும், சமூகத் தீமைகளை அகற்றுவதே முதல் கடமையாக இருக்கும் என்றும் தெரிவித்தார். சுயமரியாதை, சமத்துவம் ஆகியவற்றிலிருந்து ஒருபோதும் பின் வாங்கப் போவதில்லை என சூளுரைத்த ஸ்டாலின், நாடு முழுவதையும் காவி மயமாக்கும் மோடி அரசுக்கு முடிவு கட்ட வா என தொண்டர்களுக்கு அழைப்பு விடுத்தார். 

திமுகவின் மரபணுக்களோடு புதிய எதிர்காலத்தை உருவாக்கும் நோக்கத்துடன் இன்று தான் புதிதாய் பிறந்திருக்கிறேன் என ஸ்டாலின் கூறினார். தனி மனித, ஊடக கருத்துச் சுதந்திரத்தை மீட்டெடுத்தல் தனது நீண்ட கனவின் சில துகள்கள் என்றும் அதனை தொண்டர்களுடன் இணைந்தே நிறைவேற்ற இயலும் என்றும் ஸ்டாலின் தெரிவித்தார். தலைமைக்கு கட்டுப்பட்டவர்களாக அனைவரும் இருக்க வேண்டும், தொண்டர்கள் எதிர்பார்ப்புக்கு ஏற்றபடி தலைமை இருக்கும் என்றும் ஸ்டாலின் உறுதி அளித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close